Procesi i votimit për zgjedhjen e kryetarit të Partisë Demokratike ka nisur këtë të shtunë edhe në qarkun e Korçës.

Anëtarët e PD-së po u drejtohen kutive të votimit për të marrë pjesë në procesin e brendshëm zgjedhor të partisë. Në fletën e votimit është vetëm emri i Sali Berishës, i cili garon pa kandidat rival për drejtimin e Partisë Demokratike.

Sipas të dhënave nga strukturat lokale, në qarkun e Korçës procesi zhvillohet në disa degë të PD-së. Në Korçë janë rreth 5 mijë anëtarë me të drejtë vote, në Maliq 1835 anëtarë, në Kolonjë rreth 1000, në Devoll mbi 1500, ndërsa në Pogradec rreth 1200 anëtarë.


Lajmi kryesor:

Zgjedhjet formale në PD/ Nis procesi i votimit, Berisha në garë me veten, dilemë numri i anëtarëve që votojnë! Salianji e 4 rivalë të tjerë u përjashtuan