Ministrja e Drejtësisë Etilda Gjonaj zhvilloj një takim të parë bilateral online me Ministren e Drejtësisë dhe Mbrojtjes së Konsumatorit të Republikës Federale të Gjermanisë Christine Lambrecht.
Ministrja Gjonaj shprehu mirënjohjen e saj dhe të Qeverisë Shqiptare për mbështetjen e fortë të Gjermanisë për çeljen e negociatave. Ministrja Gjonaj vlerësoi asistencën teknike që Gjermania ka ofruar në reformimin e shtetit të së drejtës dhe sistemit gjyqësor nëpërmjet Fondacionit Gjerman për Ndihmë Ligjore Ndërkombëtare (IRZ). Ajo falenderoi gjithashtu për mbështetjen e ambasadorëve gjermanë si Schultz dhe Zingraf, si dhe ekspertëve të cilët kanë mbështetur hartimin e reformës dhe që ajo ka patur fatin të bashkëpunoj si pjesë e grupit të punës.
Ministrja Gjonaj i prezantoi homologes së saj ecurinë e zbatimit të Reformës në Drejtësi: Emërimet në Gjykatën Kushtetuese; Strukturën e Posacme Antikorrupsion: SPAK, BKH, Gjykatat e posacme; Rezultatet e Vettingut si dhe masat e marra me Shkollën e Magjistraturës për të adresuar vakancat e shumta në sistemin e drejtësisë.
Ministrja Lambrecht shfaqi interes të lartë për procesin e reformës në drejtësi dhe shprehu bindjen që Shqipëria është duke ecur në rrugën e duhur. Në Gjermani Gjykata Kushtetuese gëzon një besim shumë të lartë dhe vendimarrjet e saj respektohen maksimalisht, dhe është shumë e rëndësishme që Shqipëria ka marrë këtë rrugë shumë të vështirë por po aq të rëndësishme për ti kthyer besimin gjyqësorit. Në bisedë Ministrja Lambrecht i drejtoj disa pyetje Ministres Gjonaj në lidhje me procesin e vettingut dhe kontrollin; konsultimet; kriteret që duhen përmbushur për të qënë pjesë e Gjykatës së Lartë; pavarësinë e gjyqësorit; të rinjtë e përfshirë në gjyqësor dhe si është atmosfera tek rinia. Ministrja Gjonaj iu përgjigj në detaj të gjitha pyetjeve të homologes, e cila vlerësoi masat e marra nga Shqipëria si trajtimin financiar të gjyqtarëve për rëndësinë e pavarsisë ekonomike të gjyqësorit, ristrukturimin dhe mekanizmat e vendosur për të garantuar pavarësine dhe paanësinë e gjyqësorit si dhe konsekuencën e veprimeve për zbatimin e këtij projekti madhor. Ministrja Lambrecht shprehet se IRZ është prej 20-vjetësh në Shqipëri dhe kanë një bashkëpunim shumë të mire me palën shqiptare dhe se ajo do të mbështesi zgjatjen e projektit. Ajo konsideron me rëndësi që nën drejtimin e IRZ-së të vazhdohet bashkëpunimi me EURALIUS VI-tën.
Ministrja Gjonaj falenderoi edhe në emër të Qeverisë shqiptare për mbështetjen dhe shprehet e bindur se vazhdueshmëria e projektit EURALIUS do të ishte e nevojshme dhe se ajo është e hapur për bashkëpunime të mëtejshme. Në rolin e saj si Koordinator Kombëtar kundër Korrupsionit Ministrja Gjonaj u ndal gjithashtu në masat që ka ndërmarrë qeveria Shqiptare për të forcuar luftën kundër korrupsionit si edhe për ngritjen e funksioninmin e Task Forcës dhe Rrjetit të koordinatorëve Antikorrupsion dhe rëndësinë e tyre veçanërisht në institucionet që kanë një rrezik të lartë për t’u ndikuar nga veprimet korruptive, me përgjegjësinë e tyre për të kryer inspektime, për të marrë denoncimet, si dhe referuar në Prokurori çdo rast të dyshuar korrupsioni, apo shpërdorim detyre.
Ministrja Federale e Drejtësisë dhe e Mbrojtjes së Konsumatorëve vlerësoi shumë hapat që ka ndërmarrë Shqipëria dhe siguron Ministren Gjonaj për mbështetjen e saj dhe të Ministrisë Federale të Drejtësisë lidhur me projektet që garantojnë forcimin e shtetit ligjor dhe pavarësinë e sistemit të drejtësisë. Ajo vlerësoi gjithashtu energjinë dhe konsekuencën e Ministres Gjonaj si mbresëlënësë dhe e ftoi në një takim në Berlin duke i uruar që të mbajë funksionin e Ministres së Drejtësisë edhe pas zgjedhjeve.
Ministrja e Drejtësisë Gjonaj falenderon për fjalët përzemërta dhe shprehet se ajo e shikon si një mision dhe jo si detyrë funksionin e saj dhe vlerëson Reformën në Drejtësi si një moment të rëndësishëm për Shqipërinë dhe për hapjen e rrugës në BE.
Lajme të tjera
-
Berisha propozon të zhbëjë sistemin e ri të drejtësisë: SHBA e BE të heqin dorë! Të angazhojmë Komisionin e Venecias për rishqyrtim tërësor
28 Tetor, 13:04 -
Spahiu: Rama i çoi mesazh Washingtonit, me Berishën kryeministër, dështuat me arrestime dhe reforma
26 Tetor, 20:28 -
Rrugëtimi drejt BE, deputetja Gjonaj në Report Tv: Brenda dhjetorit hapim negociatat për kapitujt e politikës së jashtme! PD në krizë, ne vijojmë punën
16 Tetor, 17:39 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Gonzato mesazh magjistratëve: Mbroni reformën në drejtësi, keni të gjithë mbështetjen e BE-së
30 Shtator, 11:00 -
Ambasadori Gonzato: Pa institucione të pavarura të drejtësisë nuk ka drejtësi të pavarur
26 Shtator, 08:58 -
“Mbi 1 mijë funksionarë të pandehur”, studimi për punën e SPAK dhe GJKKO: Rriten hetimet dhe dënimet për zyrtarët e lartë
25 Shtator, 12:45 -
Diskutohen në kuvend reformat për institucionet demokratike! Tabaku: S'kemi ende reformë të plotë të Kodit Zgjedhor! PS: Të bashkëpunojmë për platformë konkrete, lini akuzat
20 Shtator, 14:51 -
Zgjidhet kryesia e re e PS-së, EMRAT që la jashtë Edi Rama, dhe kë fuqizoi! Ikën Beqaj, Xhaçka, Bushati e Subashi! VOTAT që morën anëtarët e rinj! Erion Braçe i pari
8 Shtator, 12:55 -
‘Antikorrupsioni’, Braçe: Kontrolli i figurës së zyrtarëve, me detyrim
19 Korrik, 13:30 -
Braçe dhe Gjonaj propozojnë ndryshime për mbrojtjen nga duhani: Të ndalohet reklamimi në media! Distributorët të mbajnë përgjegjësi
16 Korrik, 10:50 -
Zyrtari i DASH flet për nismën e PS: Çdo reformë shtesë në drejtësi të mos prekë pavarësinë e gjyqësorit e prokurorëve! SPAK po bën punë të shkëlqyer
21 Qershor, 18:20
