POP 5

Lajmet më të lexuara të 5 minutave të fundit

Arkiva

Reforma territoriale- Meta: Çdo kontribut i opozitës, i mirëpritur deri në minutën e fundit

TIRANË, 30 Korrik/ATSH/.- Një ditë para seancës plenare të Kuvendit, ku pritet miratimi i disa çështjeve të rëndësishme, mes tyre i reformës territoriale, kryeparlamentari Ilir Meta, tha se çdo kontribut i opozitës do te jete i mirepritur deri ne minutën e fundit. Kryetari i Kuvendit theksoi se për të gjitha aktet që janë vënë në […]
Një ditë para seancës plenare të Kuvendit, ku pritet miratimi i disa çështjeve të rëndësishme, mes tyre i reformës territoriale, kryeparlamentari Ilir Meta, tha se çdo kontribut i opozitës do te jete i mirepritur deri ne minutën e fundit.

Kryetari i Kuvendit theksoi se për të gjitha aktet që janë vënë në rendin e ditës së seancës së nesërme është kryer një proces i gjerë konsultimi me aktorët dhe faktorët që kanë dashur të kontribuojnë dhe të japin mendime për projektet e deritanishme, përfshirë dhe ligjin për KLD-në.

"Natyrisht gjithëpërfshirja vazhdon të mbetet një parim mjaft i rëndësishëm dhe tepër i domosdoshëm, por është e rëndësishme që askush të mos vetëpërjashtohet nga procese të tilla të rëndësishme dhe shpresojmë që opozita të marrë pjesë dhe të kontribuojë, pavarësisht se këto ftesa për një kohë të gjatë janë adresuar ndaj saj. Çdo përfshirje dhe kontribut i shtuar është i mirëpritur", u shpreh Meta në një prononcim për gazetarët.

I pyetur për kritikat që po i bëhen reformës territoriale, ndërsa nesër pritet votimi i saj në parlament, kryetari i Kuvendit vlerësoi kontributin e komisionit të posaçëm, i cili 'ka treguar mjaft fleksiblitet në punën e tij'.

"Ne propozuam pesë variante të ndryshme. Ndërkohë, është kryer një proces i gjerë konsultimi dhe do të ishte shumë mirë që opozita të kishte marrë pjesë që në fillim në këtë proces, ku ajo është kërkuar me insistim për të dhënë kontributin e saj. Por, duhet të kuptojmë dhe një gjë se gjithmonë do të ketë pakënaqësi sa i takon rindarjes së re administrative, pasi duke kaluar nga një sistem mjaft i fryrë me gati 400 njësi vendore, në një rindarje më efikase do të theksoja sigurisht që ka gjithmonë vend për kritika, por çdo përmirësim që mund të ndodhë është i mirëpritur dhe çdo kontribut i opozitës po ashtu, deri në minutën e fundit është i mirëpritur", nënvizoi kryetari i Kuvendit, Ilir Meta./ATSH/
 

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Milani përballet me Real Madridin, Fonseca: Jemi të motivuar, Leao luan nga minuta e parë

5 Nëntor, 15:19