Si të ishin në një procesion religjioz, ambasadorët kryesorë të akredituar në Tiranë, janë paraqitur sot në mbledhjen e parë të komsionit parlamentar të reformës zgjedhore. Asgjë nuk ka qenë e rastësishme në këtë prezencë të dendur diplomatike. Një mesazh i drejtpërdrejtë dhe deri edhe brutal, në mbështetje të asaj reforme elektorale që nuk avancoi thuajse asnjë centimetër këto vite, kryesisht për shkak të qëndrimit të tërhequr të opozitës. Ashtu siç ndodhi vite më parë me një tjetër reformë e cila u krye vetëm me votat e shumicës: reformës administrative.
Mesazhi i Tiranës ka acaruar ujrat 120 milometra më në Veri, në Shkodër, aty ku Lulzim Basha s’e ka mbajtur dot mllefin ndaj gjestit të Ndërkombëtarëve. “Kam një mesazh për ata që janë ulur bashkë me Damian Gjiknurin, që duhet të ishte në burg për vjedhje votash, të ulur bashkë me ata që janë kapur në përgjime duke blerë e shitur vota, duke kërcënar demokratët: Zonja dhe zoterinj, ai nuk është komisioni i reformës zgjedhore. Ai është, në pjesën më të madhe, komisioni i paraburgimit të Damian Gjiknurit me shokë. Asnjë produkt i tyre nuk përbën gjë tjetër veçse një turp. Nuk e njohim, nuk do ta njohim, mos harxhoni kohën kot”, u shpreh Lulzim Basha, në një replikë të qartë me listën e gjatë të diplomatëve të SHBA e vendeve kryesore evropiane. Një shpërthim që tregon sesa i lartë është aktualisht tensioni mes opozitës zyrtare dhe komunitetit ndërkombëtar.
Një përballje si kjo vjen në momentin më delikat të mundshëm politik të muajve të fundit. Në fund të kësaj jave opozita do të humbë edhe afatin e fundit të regjistrimit në zgjedhjet lokale të 30 qershorit. Basha dhe Kryemadhi vijojnë të përsërisin vendimin për të mos hyrë në zgjedhje, duke lëshuar përmes zyrtarëve të tyre mesazhe kërcënuese edhe për vetë procesin elektoral të qershorit.
Zgjedhjet lokale qenë një “viktimë” e papritur e krizës së mandateve. Megjithëse thelbi i përplasjes prek formalisht vetëm pushtetin qëndror, takimi elektoral i 30 qershorit i ka komplikuar dukshëm zhvillimet në Tiranë dhe në qendrat kryesore urbane të vendit. Janë orë të ethshme për politikën shqiptare, por kryesisht për opozitarët që qeverisin bashki jo të vogla si Shkodra, Kamza etj.
Nuk kërkon aftësi të madhe parashikuese që të kuptosh se krerët bashkiakë në këto qytete po kalojnë nëpër dilemën egzistenciale të largimit të imponuar nga gara. Jo më kot Lulzim Basha sulmoi sot zgjedhjet dhe reformën zgjedhore nga Shkodra. Duhet parë sesi i ka pritur në heshtjen e saj këto deklarata, Voltana Ademi apo të tjerë pretendentë potencialë për kreun e bashkisë Shkodër.
Në këtë klimë konfrontimi të hapur rreth zgjedhjeve, prezenca e trupës së diplomatëve në takimin e komisionit të reformës zgjedhore hedh në rrëmujën e krizës një mesazh të thjeshtë dhe të qartë: pushteti ndërrohet vetëm përmes zgjedhjeve dhe përmes marrjes pjesë në proceset reformuese.
Në anën tjetër, kjo prani ambasadorësh shënon edhe një gjest tjetër legjitimues të ndërkombëtarëve ndaj Rudina Hajdarit dhe deputetëve të tjerë opozitarë. Një sinjal i qartë edhe ky se arbitrat joshqiptarë të krizës shqiptare vijojnë të mos ndryshojnë qëndrim, megjithëse kanë kaluar thuajse tre muaj nga hyrja në krizën e mandateve parlamentare.
Lajme të tjera
-
Vërtetim i vazhdimësisë cinike dhe politike në ditën e buxhetit të Bashkisë së Shkodrës
29 Dhjetor 2022, 11:40
-
Ikën Voltana Ademi, Bardh Spahia merr zyrtarisht drejtimin e Bashkisë së Shkodrës
31 Mars 2022, 18:08 -
600 gram eksploziv C4 tronditën qendrën e Shkodrës! Asnjë i ndaluar për dy shpërthimet! Voltana Ademi: Tronditëse, të kapen autorët
27 Mars 2022, 09:45 -
Skënder Minxhozi: Berisha mundi Lulin, por dështoi përballë Voltanës
10 Mars 2022, 14:29
-
Zgjedhjet e pjesshme vendore, Berisha në Shkodër: Mos votoni në logon e PD se Rama ia ka dhënë Bashës! Beteja jonë kundër të dyve
15 Shkurt 2022, 12:04 -
Zgjedhjet në Shkodër, Berisha me sytë nga Voltana Ademi, por ajo tërhiqet nga gara
29 Janar 2022, 13:06 -
PS Shkodër sulmon Voltana Ademin: Ke shkelur afatin e publikimit të listave të zgjedhësve, bëje menjëherë publike
28 Janar 2022, 17:01 -
Zbardhen emrat e Grupit të Rithemelimit për bashkinë e Shkodrës, Bardh Spahia dhe Voltana Ademi mes kandidatëve që do të votohen nga baza të dielën
26 Janar 2022, 09:42
-
Homazhe në 'Loro Boriçi' për Rragamin, Ademi: I dha Shqipërisë emocione të jashtëzakonshme! Meta: Legjenda e të gjithë legjendave
16 Janar 2022, 12:59 -
Këshilli Bashkiak Shkodër miraton buxhetin e vitit 2022! Shtohen investimet, fokus infrastruktura dhe shërbimet
6 Janar 2022, 10:10 -
Voltana Ademi në Kuvendin e Berishës: Historia po na thërret serish si 31 vite me parë, PD 8 vite vetëm rezultate negative
11 Dhjetor 2021, 14:27 -
Heshtja që flet dhe i bën njësoj përgjegjës
2 Dhjetor 2021, 19:08
