POP 5

Lajmet më të lexuara të 5 minutave të fundit

Sociale

Reformimi i arsimit të lartë, shtyhet 
aprovimi, gati drafti 2 i ndryshimeve

Miratimi i ligjit të ri për Arsimin e Lartë do të shtyhet. Ku fakt është pohuar nga vetë kryeministri Edi Rama, i cili ka theksuar se do të shkelen afatet që qeveria i kishte vendosur vetës për vetë faktin se është një nga ligjet që ka ngjallur debate dhe ajo që do të miratohet duhet të jetë më e mira dhe e zbatueshmja. Komisioni pritet të dalë me draftin e dytë të ndryshimeve.
Reformimi i arsimit të lartë, shtyhet <br />aprovimi, gati drafti 2 i ndryshimeve
TIRANE- Miratimi i ligjit të ri për Arsimin e Lartë do të shtyhet. Ku fakt është pohuar nga vetë kryeministri Edi Rama, i cili ka theksuar se do të shkelen afatet që qeveria i kishte vendosur vetës për vetë faktin se është një nga ligjet që ka ngjallur debate dhe ajo që do të miratohet duhet të jetë më e mira dhe e zbatueshmja. Ndërkohë që komisioni për reformimin e Arsimit të Lartë, pas qëndrimit kundër dhe propozimeve të universiteteve publike dhe private në të gjithë vendin pritet të dalë me një draft të dytë.

Për kryeministrin Rama ligji i ri që do të hartohet duhet të jetë gjithëpërfshirës. “Kur erdha, shkëmbyem disa fjalë me rektorin e Universitetit, lidhur me ligjin për Arsimin e Lartë. Po bëjmë një punë si asnjëherë tjetër, për të përfshirë të gjithë në proces, për të përfshirë përfaqësuesit e atij që sot e gjithë ditën njihet si arsimi shtetëror, përfaqësues të atij që njihet si arsimi privat, ekspertë vendas e të huaj, profesorë shqiptarë që punojnë në universitete prestigjioze në Evropë dhe në Shtetet e Bashkuara. Pikërisht, sepse duam që ligji i ri për Arsimin e Lartë të jetë jo vetëm një tekst modernizues, po të jetë baza e një procesi modernizimi dhe gjithëpërfshirës”, tha kryeministri Rama në fjalën e tij.

Edhe pse ishte menduar që ky projektligj të kalonte në muajin qershor në Parlament, kryeministri Edi Rama tha se do t’i jepet më shumë kohë ekspertëve të komisionit. “E pamë të udhës t’i japim vetes më shumë kohë sepse drafti ka ngjallur shumë interes dhe ka ende shumë kontribute që mund të merren. Kështu që verën do ta shfrytëzojmë për të formësuar një ligj që nuk do të jetë thjesht një tekst i zbatueshëm nga ata të cilët ai ligj bëhet, njerëzit e sistemit”, deklaroi Rama.

Ndërkohë vetëm një ditë më parë Senati i Universitetit të Tiranës, përmes një deklarate ka mbështetur kryerjen e një reforme të plotë në strukturë, kurrikul dhe financim, por ka kërkuar që në themel të ligjit të ri të arsimit të lartë të jenë propozimet e raportit të shoqatës evropiane të ligjit për arsimin e lartë dhe drafti i dytë të diskutohet sërish me grupet e interesit, para se të kalojë në Parlament.

Senati ka kërkuar që të ruhet autonomia e universiteteve në përputhje me Kushtetutën e Shqipërisë. Drafti për reformën në Arsimin e Lartë edhe pse ka pasur kontestime nga shumë pedagogë pritet t’i japë një tjetër dimension universiteteve shqiptare. Në themel të saj, sipas ekspertëve që po e hartojnë, është autonomia në vendimmarrje, por edhe në financim. 


Shkrimi u botua në Shqiptarja.com (print) në 31 maj 2014
(d.a/shqiptarja.com)   
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51