"Rektorati", Shkencat pengojnë
 Dibrën, mbyllen me zinxhirë
FSHN: Vepruam sipas rregullores

Në garën për Rektorë të Universitetit të Tiranës po shënohen edhe incidente. Ndërkohë që kandidatja Klodeta Dibra kishte një takim me studentët dhe stafin pedagogjik të Fakultetit të Shkencave të Natyrës, çuditërisht ambientet e këtij fakultetit ishin boshatisur. Kishte shumë pak studentë dhe pedagogë, ndërkohë që sot është një ditë e rregullt mësimi.
 
Por sipas Klodeta Dibrës ky veprim është bërë për të penguar fushatën e saj për Rektore të Universitetit të Tiranës.
 









(Auditorët e Fakultetit të Shkencave të Natyrës të boshatisur nga studentët)

"Një Fakultet me 170 pedagogë dhe gati 7000 studentë ku për fat të keq sot mungonin posterat dhe njoftimet e kandidates për takimin. Ka patur një mungesë njoftimesh, informacioni nga stafi i Fakultetit të Shkencave. Pse disave u lejohet kjo e drejtë dhe disa të tjerë diskriminohen që në postimin e një njoftimi. Unë kam hyrë në këtë garë për t'i thënë Universitetit të Tiranës se unë kam një alternativë timen për një Universitet më të mirë. Që ky universitet të jetë tempulli i dijes dhe jo tempulli i qokave dhe ndereve personale",  u shpreh kandidatja për Rektor të UT, Klodeta Dibra.  

Vetë Dekani i Shkencave të Natyrës, Mynyr Koni është kandidat për Rektor dhe njëherazi rivali i Klodeta Dibrës. Ndërprerja e mësimit dhe mbyllja me zinxhirë e Fakultetit të Shkencave të Natyrës ka ardhur me urdhër të Dekanit Koni.
 
Pavarësisht këtij incidenti, Klodeta Dibra thotë se nuk do të tërhiqet nga kjo garë. 

"Mesa duket kanë kuptuar se dita ditës kanë një kandidate të fortë e cila nuk tutet përballë barrierave dhe përballë frikës", tha ajo.
 
Pavarësisht se ishte mesditë, roja i Fakultetit kërkon të mbyllë me zinxhirë portën kryesore. Ndërkohë që mësimi tek Shkencat e Natyrës, ditën e premte përfundon në orën 18:00.


(Roja i Fakultetit kërkon të mbyllë me zinxhirë portën kryesore)

Redaksia Online
l.q/Shqiptarja.com

TAG:
• mynyr koni