POP 5

Lajmet më të lexuara të 5 minutave të fundit

Politikë

'Babalja'/ Relatori për çështjen e Ervin Salianjit, PD sulmon sërish Gjykatën e Lartë: Manipuloi procesin, i zhvendosni ligjet sipas dëshirës

Partia Demokratike ka sulmuar sërish Gjykatën e Lartë, pas sqarimit që dha për caktimin e relatorit Sokol Binaj në çështjen e Ervin Salianjit i cili kërkon pafajësinë për ‘Babalen’.

'Babalja'/ Relatori për çështjen e Ervin Salianjit, PD sulmon sërish Gjykatën e Lartë: Manipuloi procesin, i zhvendosni ligjet sipas dëshirës

Ervin Salianji

TIRANË- Partia Demokratike ka sulmuar sërish Gjykatën e Lartë, pas sqarimit që dha për caktimin e relatorit Sokol Binaj në çështjen e Ervin Salianjit i cili kërkon pafajësinë për ‘Babalen’. Partia demokratike ka hedhur akuza për manipulim të procesit, ndërsa Gjykata e Lartë sqaroi dje qartë se gjyqtari relator u ndryshua nga Albana Boksi në Sokol Binaj, pasi ky i fundit ka qenë gjyqtari që ka shqyrtuar kërkesën e parë për pezullim të ekzekutimit të vendimit.

Në një deklaratë për mediat, zëdhënësja e Partisë Demokratike, Floriana Garo sulmoi Gjykatën e Lartë duke thënë se i zhvendos rregullat dhe ligjet sipas dëshirës apo nevojës. Sipas Garos, Salianji është një i dënuar politik dhe sipas saj është ngritur shqetësimi i manipulimin e procesit në Gjykatën e Lartë.

Ish-deputeti i PD Ervin Salianji arrestua më 27 shtator 2024, pasi Gjykata e Apelit e shpalli fajtor për ‘kallëzim të rremë’ lidhur me për audio-përgjimin e dosjes Babale. Në audio përgjim pretendohej se vëllai i ish-ministrit të Brendshëm Fatmir Xhafaj, ishte përfshirë në një episod trafiku droge.

DEKLARATË PËR MEDIA ZËDHËNËSJA E PD, FLORIANA GARO

Gjykata e Lartë reagoi dje pas deklaratave të kryetarit të Partisë Demokratike, Sali Berisha, dhe të deputetit të burgosur politikisht, Ervin Salianji. Reagimi ishte po aq flagrant sa edhe shkelja proceduriale me qëllim politike: një reagim sa për të thënë i cili nuk thoshte asgjë. Në asnjë rresht të komunikatës, as nuk cekej thelbi i arsyes, apo mosarsyes, se pse institucioni më i lartë gjyqësor në Republikë hedh një short të dytë kur ka hedhur ndërkohë një short të parë?

Gjykata përdorte dje shprehje si ‘standard’, ‘integritet’ apo ‘rregulla’, ndërkohë që me vetë aktin e saj nuk respekton asnjë prej tyre, madje i shpërfill ato. “Integriteti” i Gjykatës së Lartë është t’i tregojë publikut se, si u bë shorti i parë dhe, po ashtu se përse lindi nevoja për një short të dytë nëse kishte një ekzistues elektronik? Përse vallë ?

A mos për të zgjatur procesin deri sa të përfundojë afati i regjistrimit të kandidatëve për deputetë? Si ka mundësi që momentin e rëndësishëm të shortit, që u bëka nga KLGJ, që garanton paanësi, gjykata e zëvendesoka me një urdhër? Ç’kuptim ka atëherë shorti?

Jo vetëm deputeti demokrat I burgosur politikisht, jo vetëm demokratët, por edhe publiku i gjerë kërkon të dijë se si një gjykatë që është mbi të tjerat dhe mbikëqyr të tjerat i zhvendos rregullat dhe ligjet sipas dëshirës apo nevojës. Këtë pret publiku, jo një komunikatë me gjuhë të drunjtë që nuk adreson problemin, por e fsheh aktin.

I burgosuri politik Salianji, duke shpresuar në integritetin profesional të secilit gjyqtar, dhe duke mos njohur apo pasur preferencë për asnjë prej tyre, si deputet i opozitës dhe si qytetar ka si themel të shqetësimit manipulimin e procesit, vonesat me qëllim.

Kushtetutës dhe ligjit i nënshtrohemi të gjithë si të barabartë! Bazuar në këto parime pyetja vlen sërish: Si u hodh shorti i parë, dhe pse Gjykata hedh short të dytë kur, sipas saj, nuk ka nevoje, meqë relatori i kërkesës për pezullim do te jetë dhe relatori i rekursit?

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01