MAQEDONI E VERIUT- Një spital COVID i gjithi i shkrumbuar, ka mbetur nga tragjedia në Tetovë që solli vdekjen e 14 personave dhe plagosjen e 12 të tjerëve.
Gazetarja e Report Tv Gladiola Hoxha ka shkuar në spitalin modular të shkrumbuar nga flakët dhe nga atje raporton se pjesa më e madhe e viktimave janë pacientë të infektuar me COVID. Edhe Gëzim Nuredini, përgjegjësi i spitalit COVID thotë se deri më tani janë identifikuar 12 viktima dhe sipas tij ata janë pacientë. 2 viktimat e tjera thotë ai dyshohet se kanë qenë të afërm të pacientëve.
Viktima më e re e kësaj tragjedie siç konfirmojnë burime jo zyrtare është një 20 vjeçare e cila nuk ishte e shtruar në spital, por e afërme e një pacienti. Edhe një laborant i infektuar me COVID që ishte shtruar prej 3 javësh ka humbur jetën.
Disa prej viktimave janë identifikuar me shumë vështirësi, pasi janë kryer analizat e ADN. Kurse të plagosurit janë transportuar për në Spitalin e Shkupit dhe janë jashtë rrezikut për jetën pavarësisht se kanë marrë shumë lëndime nga shpërthimi.
Shkak i zjarrit dyshohet se ka qenë shpërthimi i një bombole oksigjeni, por ende nuk ka një konfirmim zyrtar, ndërsa për të kryer hetimet pritet të një grup ekspertësh ndërkombëtarë.
Shpërthimi i fuqishëm në spitalin COVID ka ndodhur rreth orës 21:30 dhe brenda 20 minutash zjarri ka shkrumbuar të gjithë godinën të ndërtuar vetëm disa muaj më parë për të përballuar fluksin e pacinetëve me COVID.
Zjarri tashmë është shuar plotësisht, ndërsa në lidhje me ngjarjen e rëndë, Qeveria e Maqedonisë së Veriut zhvilloi një mbledhje të jashtëzakonshme në të cilën është marrë vendimi që të shpallet 3 ditë zie në gjithë territorin e vendit. Paraprakisht edhe Komuna e Tetovës pas mbledhjes së Shtabit të krizës, njoftoi shpalljen e 3 ditë zie në Tetovë.
Në spitalin e shkrumbuar është raportuar se janë konfirmuar gabime gjatë ndërtimit, që kishin të bënin kryesisht me dyshemenë dhe gabime të tjera infrastrukturore. Ka pasur një deklaratë nga drejtori ekonomik i spitalit të Tetovës se qendra ndihmëse për pacientët me COVID-19 nuk ka kushte të mjaftueshme për t’u kujdesur për pacientët. Në Maqedoni ka edhe spitale të tjera modulare të ndërtuara në kushte të tilla dhe pritet të kryhen hetime për të mos lënë vend për të ndodhur tragjedi të tilla si ajo e mbrëmshmja.
Lajme të tjera
-
Trump do heqë 'non gratat'? Ambasadorja amerikane paralajmëron zgjerimin e listës së zezë në Maqedoninë e Veriut
21 Nëntor, 16:37 -
Ish-ministrja e Mbrojtjes e Maqedonisë së Veriut emërohet zv.sekretare e NATO-s
19 Nëntor, 13:19 -
Kurti pret vendim të drejtë për gjuhën shqipe në RMV! Mickoski: Tensionet etnike vijnë nga politikanë pa ide, nuk e ndikojmë kushtetuesen
18 Nëntor, 19:47
-
Albin Kurti: Gjuha shqipe s’është zyrtare në RMV! BDI i tregon kushtetutën
18 Nëntor, 16:19 -
Begaj pret kreun e Kuvendit të Maqedonisë së Veriut: Shqiptarët, rol të veçantë për zhvillimin e qëndrueshëm në rajon
13 Nëntor, 17:15 -
Maqedoni e Veriut, 100 artefakte të fisit ilir të Enkeledëve gjenden në Strugë! Ministri i Kulturës: Zbulimi më i madh arkeologjik për 100 vitet e fundit (FOTO)
9 Nëntor, 16:55 -
Mickoski shprehet optimist për integrimin evropian pas takimit me Macronin
8 Nëntor, 22:33 -
EKSKLUZIVE/ Zbulohet në Gostivar, statuja e lashtë që ndryshon historinë, e njëjtë me ato të gjetura në Apolloni e Butrint! Profesor Përzhita: Ndodh njëherë në 100 vjet (VIDEO)
7 Nëntor, 19:31
-
Kryeministri i Maqedonisë së Veriut kërcënon me burg lidershipin e BDI-së
2 Nëntor, 22:01 -
Ahmeti: Heqja e gjuhës shqipe nga përdorimi zyrtar, fuçi baruti
2 Nëntor, 14:18 -
Kukës/ I dënuar në Maqedoni për trafik droge, vihet në pranga 38-vjeçari nga Kosova! Tentoi të hynte në Shqipëri
29 Tetor, 09:08 -
Alarmi për cenimin e të drejtave të shqiptarëve në Maqedoni, nënkryetari i BDI për Report Tv: Atentat Marrëveshjes së Ohrit! Analisti: Qeveria nën ndikimin e Serbisë
29 Tetor, 07:29
