POP 5

Lajmet më të lexuara të 5 minutave të fundit

Politikë

Report Tv zbulon detaje nga Kuvendi i PD nesër/ Ja kritikët e Bashës që do flasin

Të dielën demokratët do të jenë në sallën e madhe të Pallatit të Kongreseve për të miratuar draft-statutin e ri, i cili u shprërnda mbrëmjen e së enjtes.

Pas debateve në Kryesi dhe në Këshillin Kombëtar, këtë të diel kryedemokrati Lulzim Basha mbledh organin më të lartë partiak, Kuvendin Kombëtar për të vulosur përfundimisht ndryshimet në statut. Report Televizion ka zbardhur axhendën e kësaj mbledhjeje të rëndësishme të demokratëve. Kuvendi Kombëtar i PD nis në orën 10:00 dhe është ndarë në dy pjesë.

Pjesa e parë i është dedikuar fjalimeve, ndërsa pjesa e dytë do të jetë debati mbi dokumentin me parashikimet statutore dhe votimi final i ndryshimeve. Burime të Report TV kanë bërë të ditur se në mbledhjen e organit më të lartë të PD do të risillet edhe një herë çështja e protestës së kuksianëve, zhvilluar gati një muaj më parë.

Tashmë jo në formë proteste por me një fjalim të një përfaqësuesi. Gjithashtu, axhenda parashikon nga një fjalë të një përfaqësuesi nga shtresa e të persekutuarve, një nga të përjashtuarit nga skema e ndihmës ekonomike dhe një fjalë nga një anëtar i vjetër i PD. Mbyllja pa surprizë i rezervohet kryedemokratit Lulzim Basha.

Ndërkaq, statuti aktual i Partisë Demokratike nuk parashikon pjesëmarrjen e ish-deputetëve apo figurave të vjetra të Partisë Demokratike. Po të njëjtat burime kanë saktësuar se, në PD kanë konfirmuar pjesëmarrjen ish-ministri i Jashtëm, Besnik Mustafaj dhe rivali i Lulzim Basha për kreun e PD vitin e kaluar, Eduard Selami. Selami dhe Evdin Kulluri do të flasin në Kuvendin e PD.

Indiferentë ndaj ftesës ka qenë Jozefina Topalli, Astrit Patozi e Majlinda Bregu, të cilët nuk kanë konfirmuar pjesëmarrjen në mbledhjen e Kuvendit Kombëtar të PD, këtë të diel. Kuvendi Kombëtar është organi më i lartë i Partisë Demokratike. Në mbledhjen e kësaj të diele ky organ do të miratojë në formë finale ndryshimet statutore. Anëtarët Edvin Kulluri, Edith Harxhi dhe Gent Malko e kanë shprehur se sërish do të ripropozojnë draftet e tyre që e kanë vendosur fokusin tek caktimi i rregullave për dorëheqjen dhe shkarkimin e kryetarit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jeton torre gjoleka: 28/04/2018 22:57

    Lul shal ngjitmi se lëshon pd se e ka minjed ari . Ai këtë parti e mori nga kryekrimineli salhe e ky shal ngjitmi vazhdon lojën e tij . E kta të tjerët që lefin kundra lul shal ngjitmit skan shanc . Se për salheun kta s'thon asnjë fjal dhe e din shum mir që mbrapa shal ngjitmit është salheu .

    Përgjigju
  • F. Suma: 28/04/2018 19:00

    Mos shkoni fare, sepse rrokullisja do vazhdoi deri në fund. Kjo parti nuk do t`a marrë vehten kurrë deri sa t`i kthehen anëtarët si Topalli, pregu, Selami e Besnik Mustafaj. Me Lulin vështirë do ta keni për të ecur përpara.

    Përgjigju
  • Ben Tironci: 28/04/2018 18:57

    Po çfar te flisni. Ai duhet zhdukur per 24 ore. E boni PD-ne bordello, klub me drita te kuqe, si rruga ne Amsterdam te Hollandes.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46