POP 5

Lajmet më të lexuara të 5 minutave të fundit

Sociale

Rezana Vrapi: Dy mundësi të tjera
për maturantët që s’kanë fitua

Drejtoresha e AKP bën me dije se për maturantët që nuk kanë fituar ose për ata që presin të arrijnë një degë më të mirë, do të ketë dy mini faza deri në 20 tetor.  VIDEO
Rezana Vrapi: Dy mundësi të tjera<br />për maturantët që s’kanë fitua
Në datën 13 tetor do të nisin regjistrimet për në Universitet.
 
Maturantët që kanë fituar do të kenë 3 ditë kohë për tu regjistruar pranë sekretarive.
 
Sipas drejtoreshës së Agjencisë Kombëtare të Provimeve Rezana Vrapi, kush nuk regjistrohet, nuk mund të fitojë më të njëjtën degë.

“Nëse ata nuk regjistrohen në këtë datë në degën që janë shpallur fitues e humbasin të drejtën. Në programet ku nuk janë shpallur fitues duhet të shikojnë sa vende poshtë vizës ndodhen. Nëse ndodhen shumë pak 1, 2, apo tre vende është e drejta tyre të zgjedhin të presin apo jo”, shprehet Vrapi.

Në këtë mënyrë Ministria e Arsimit kërkon të sqarojë maturantët se për degët që janë shpallur fitues në raundin e dytë, nuk mund t’i fitojnë edhe në fazën tjetër.

Gjithashtu Drejtoresha e AKP bën me dije se për maturantët që nuk kanë fituar ose për ata që presin të arrijnë një degë më të mirë, do të ketë dy mini faza deri në 20 tetor.
 
“Në datën 17 dhe 18 është ulja e vizës për kuotat e mbetura bosh nga faza 13 deri në 16 dhe më pas të gjithë ata të cilët regjistrohen në datat 17 dhe 18 sërish do të mbeten kuota bosh, kuota për të cilat vlen data 19, 20”, tha Vrapi.

Vija e Kuqe sipas Rezana Vrapit do të ulet për të gjitha kuotat, të cilat do të ngelen bosh. Por nëse do të ngelen bosh kuota edhe pas këtyre fazave, Ministria e Arsimit nuk ka parashikuar një afat tjetër aplikimi.

Redaksia Online
Al.N/Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16