POP 5

Lajmet më të lexuara të 5 minutave të fundit

Kronikë

Lajme nga emisionet

Rihapet gjykimi për 'Gërdecin'/ Zamira Durda: Deri tani është bërë ping-pong me çështjen! SPAK ka në dorë të hetojë Shkëlzen Berishën! Mediu s’ka moral, na ka bërë karshillëk

Për 13 vite rrjesht është bërë ping-pong me çështjen e tragjedisë së Gërdecit nga institucionet e vjetra të drejtësisë. Kështu deklaron për Report Tv Zamira Durda. Nëse për këtë çështje duhet të rihetohet edhe Shkëlzen Berisha ajo tha se është në dorën e SPAK. 

Për 13 vite rrjesht është bërë ping-pong me çështjen e tragjedisë së Gërdecit nga institucionet e vjetra të drejtësisë. Kështu deklaron për Report Tv Zamira Durda djali i vogël i së cilës, Erisoni vetëm 7-vjeç, ka vdekur bashkë me 25 persona të tjerë nga shpërthim i fuqishëm i 15 marsit të 2008 rreth orës 12:05.

Vendimin e apelit të GJKKO për rikthimin për hetim në SPAK të dosjes së bujshme të Gërdecit, duke pranuar kështu kërkesën e prokurorisë dhe të familjes, Zamira thotë se është një lajm i mirë por vetëm hapi i parë.

“Ishte një lajm i mirë për ne është vetëm hapi i parë, nuk është se na motivon shumë presim si do të vijojë më tej. Them se do  ti shkohet deri në fund çështjes meqë u hap nga një gjykatë që premton drejtësi. Drejtësia e re të hedhë baza të shëndosha për veten. Zamira s’ka reshtur 13 vjet dhe institucionet e drejtësisë tonë kanë luajtur rolin e ping pongut. Me sistemin e ri të drejtësisë i jam drejtuar spak  dhe ai e pranoi”, tha Durda.

Pala mbrojtëse e ish-ministrit të Mbrojtjes, Fatmir Mediu, e ka konsideruar këtë vendim si një akt jo kushtetues. Lidhur me këtë reagim Zamira tha se Mediu iu ka bërë karshillëk për gjithë këto vite, duke e quajtur atë të pamoralshëm.

“Zamira është mësuar në këtë përballje me atë. Në 2009 na kanë thënë se u shemb tunel i kalimashit. U vonua derisa Bamir Topi të miratonte qeverinë e re. Mediu ska moral ai na ka bërë karshillëk gjatë gjithë kësaj kohe”, shtoi ai.

Gerardo Durdaj, djali tjetër i saj, tha se në gjyq nuk duhet të jetë vetëm Fatmir Mediu, por të thirren edhe të tjerë, duke përmendur 'sy peshkaqenin', me të cilin i referohen shpesh djalit të ish-kryeministrit Sali Berisha, Shkëlzen Berisha. Zamira tha se tashmë e ka në dorë SPAK nëse do të marrë ose jo nën hetim edhe Shkëlzen Berishën.

“S'kam bërë akuza ndaj Berishës pasi s'ka pasur institucion shtetëror në dorë.  Është në vullnetin e prokurorëve të SPAK tani nëse do të përfshijë persona të tjerë në këtë çështje. Gërdeci ka ndodhur nga babëzia për para dhe korrupsioni”.

Çështja thotë Durda vazhdon edhe në Gjykatën e Strasburgut ndërsa kërkon që drejtësia shqiptare të vendosë përpara përgjegjësitë fajtorët.

“Kërkoj vendosjen e fajtorëve përpara saj dhe dëmshpërblimi dhe padinë e regresit nga avokatura e shtetit. Çështja vazhdon edhe në gjykatën e Strasburgut”.

Nga ai shpërthim i fuqishëm i 15 marsit të 2008 humbën jetën 26 persona, e ndërsa u plagosën mbi 300 të tjerë. Kjo ngjarje përfundoi dhe në dyert e gjykatave shqiptare, ende nuk ka asnjë person pas hekurave. Vendimi i sotëm për rihapjen e çështjes ka dhënë një dritë shprese për të gjetur drejtësinë e munguar, por sesa do të finalizohet pas 13 vitesh mbetet për t'u parë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46