POP 5

Lajmet më të lexuara të 5 minutave të fundit

Kronikë

Riparonte armë dhe ua shiste grupeve kriminale, pranga 38-vjeçarit në Durrës (VIDEO + FOTO)

Një 38-vjeçar është arrestuar nga Policia e Durrësit, pasi siguronte armë dhe i tregtonte ata për llogari të grupeve kriminale.

DURRËS- Një 38-vjeçar është arrestuar nga Policia e Durrësit, pasi siguronte armë dhe i tregtonte ata për llogari të grupeve kriminale. 38-vjeçari Lorenc Luku kishte përshtatur banesën e tij për riparimin dhe për shitjen e armëve, municionit luftarak dhe sendeve të tjera që dyshohet se siguroheshin për t’u përdorur nga grupe kriminale.

38-vjeçari rezulton i dënuar më parë për armëmbajtje pa leje.

“Si rezultat i punës policore intensive, 24/7, në çdo skaj të territorit të qarkut, për qëllimet madhore: shkatërrimin e grupeve kriminale, parandalimin e ngjarjeve kriminale, si dhe për identifikimin, kapjen dhe arrestimin e shtetasve që sigurojnë apo posedojnë asete për llogari të grupeve kriminale, specialistët e Sektorit për Hetimin e Krimeve të Rënda të DVP Durrës, të mbështetur nga informacionet e siguruara nga inteligjenca policore, kanë organizuar dhe kanë finalizuar në bashkëpunim me shërbimet e Forcës së Posaçme Operacionale dhe me ato të Komisariatit të Policisë Durrës, operacionin policor të koduar “Baza”, njofton policia.

Në cilësinë e provës materiale u gjetën dhe u sekuestruan 1 armë zjarri tip “Scorpion” me silenciator, 3 skelete pistoletash, një sasi e konsiderueshme fishekësh të armëve të zjarrit dhe të gjahut, 9 celularë dhe 5 ora dore të markave të ndryshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Rendit zhvillimet sipas orarit:
Ora 11:47
Modifikonte e riparonte armë për grupet kriminale, del FOTO, kush është 38-vjeçari që u arrestua në Durrës

 1698140702_lorencluku.jpg

38-vjeçari Lorenc Luku u arrestua në Durrës pasi modifikonte dhe riparonte armë që më pas ua shiste grupeve kriminale. Report Tv sjell foton e Lorenc Lukut, i cili më parë rezulton i dënuar për armëmbajtje pa leje.

SI.E./Shqiptarja.com

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tao: 24/10/2023 16:13

    Llum njeri, kriminel, ama i vjen duarsh per te bere nje gje te pakten. Ky qenka dhe profesionist dhe pune i ka gjetur vetes, ndonese ne te zeze.

    Përgjigju
  • Sondazhi i ditës:

    A po jep rezultate lufta e SPAK ndaj grupeve kriminale?

Lajme të tjera



×

Lajmi i fundit

Kush është biznesmenia që i ka rrëmbyer zemrën? Amos Zaharia e zbulon për herë të parë

Kush është biznesmenia që i ka rrëmbyer zemrën? Amos Zaharia e zbulon për herë të parë

18 Maj, 09:21