Ripërsëriten zgjedhjet në Stamboll (VIDEO)

Zgjedhjet në Stamboll do të përsëriten! Ky është vendimi i Komisionit Zgjedhor të Turqisë i cili mori këtë vendim pas fitores së opozitës në qytetin më të madh turk. Partia për Drejtësi dhe Zhvillim e presidentit, Rexhep Tayyip Erdogan u ankua për rezultatin zgjedhor pasi pretendonte se gjatë zgjedhjeve kishte patur parregullsi dhe korrupsion. Kandidati i Partisë Republikane Popullore, Ekrem Imamoglu, cili nga autoritetet zyrtarisht u konfirmua si kryebashkiak i Stambollit muajin e kaluar, e quajti vendimin "të pabesë". Ai tha se vendimi i Kolegjit Zgjedhor ishte i ndikuar nga partia në pushtet. "Ky vend është i mbushur me 82 milion patriotë që do të luftojnë për demokracinë deri në momentin e fundit ", deklaroi Imamoglu. Votimi në qytetin më të madh të Turqisë do të mbahet më 23 qershor.

Zgjedhjet lokale në të gjithë Turqinë u zhvilluan më 31 mars dhe u konsideruan si një referendum mbi udhëheqjen e Presidentit Erdogan, në një situatë kur ekonomia turke është në renie. Presidenti Erdogan, i cili ka dominuar politikën turke që prej ardhjes në pushtet 16 vjet më parë, ka bërë fushatë intensive në këto zgjedhje, të cilat ai i ka cilësuar si “çështje e mbijetesës” për Turqinë. Për Parlamentin Evropian, vendimi për të ripërsëritur zgjedhjet është fundi i kredibilitetit të zgjedhjeve demokratike në Turqi.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?



×

Lajmi i fundit

John

Reshje dëbore dhe erëra të forta, bllokohen disa rrugë fshatrash në Elbasan, pa energji elektrike disa të tjera