TIRANË- ‘Rithemelimi’ ka vijuar akuzat për Bashkinë e Vaut të Dejës. Kësaj here me anë të zëdhënëses së tyre, Floriana Garo, ‘Rithemelimi; akuzon se kjo Bashki po përdor skemën ekonomike si një mjet për “blerë” votën e qytetarëve për zgjedhjet vendore të 14 majit. Sipas tyre, kjo Bashku ka hequr personat në nëvojë nga kjo skemë ekonomike dhe i ka zëvendësuar me militantë të Partisë Socialiste. Garo thotë se kjo është një skemë e paramenduar me qëllime të patronazhimit politik.
“Në kushtet e një varfërie ekstreme, përballë braktisjes që shqiptarët po i bëjnë vendit çdo ditë, të abuzosh edhe me kafshatën e gojës, është krim. Administratorët e Ndihmës Ekonomike të Bashkisë Vau Dejës, në një rast të paprecedent, kanë nisur largimin e familjeve në nevojë nga skema ekonomike, duke i zëvendësuar me militantë të Partisë Socialiste.
Partia Demokratike e denoncon me forcë këtë veprim kriminal në prag të festave të fund vitit. Kështu, dhjetëra familjeve do t'u duhet të kalojnë natën e ndërrimit të viteve edhe pa atë lëmoshë që u jepte shteti deri dje. Ky abuzim bëhet edhe më i rëndë nga fakti, se ndihma ekonomike u hiqet nevojtarëve për tu kaluar militantëve të Rilindjes, kalon nga duart e shtrira të të varfërve te duart e gjata të patronazhistëve.
Persona antinjerëzorë e antishqiptarë disa prej te cilëve prej vitesh jetojnë dhe punojnë jashtë vendit. Ky shpërblim u bëhet nga partia sepse janë pjesë e grupeve të manipulimit të votës, mercenarë që po përgatisin skemat e vjedhjes së zgjedhjeve më 14 Maj.
Kjo skemë është një kambanë alarmi për institucionet e drejtësisë, të cilët duhet të dënojnë personat përgjegjës të këtij abuzimi me ndihmën ekonomike për Bashkinë Vau Dejës, duke filluar nga drejtuesit e Drejtorisë Rajonale të Shërbimit Social në Shkodër, të cilët duhet të kontrollojnë çdo familje që përfiton ndihmë ekonomike. Kjo është një skemë e paramenduar me qëllime të patronazhimit politik. Por varfëria nuk pyet për politikë dhe me përfituesit e ndihmës ekonomike nuk duhet të bëhen pazare politike.
Ky është një rekord i ri, turpi i qeverisjes vendore dhe qendrore të Rilindjes. Prerja e një lëmoshe në prag të festave është një akt çnjerëzor. Jo vetëm ky abuzim, por edhe shumë të tjerë të kësaj bashkie, do ta gjejnë përgjigjen e merituar më 14 maj, kur populli i Vaut të Dejës, dhe gjithë Shqipërisë, do t’i thotë ndal bandës në pushtet, që për vete vjedh milionat, dhe patronazhistëve u hedh thërrimet që u heq nga goja të varfërve”, tha Garo.
Nuk është hera e parë që ‘Rithemelimi i ka bërë thirrje SPAK për tenderat që jepen nga Bashkia e Vaut të Dejës. Ata kanë denoncuar se kjo Bashki i dha 51.2 mln lekë kompanisë për rikonstruksion rruge, por punimet s'përfunduan teksa ka denoncuar në SPAK Mark Babanin me akuzën për korrupsion. Nga ana tjetër, deputeti i PD-së, Luçiano Boçi ka deklaruar se 870 milionë lekë kanë shkuar në xhepat e zyrtarëve për karburant e lubrifikantë nga administrata e Bashkisë . Nga selia blu, Boçi tha se ka prova që faktojnë akuzën e demokratëve.
Lajme të tjera
-
Qeveria miraton ndërtimin e dy centraleve fotovoltaike në Fier e në Vaun e Dejës
30 Tetor, 17:46
-
Vau i Dejës/ Zbulohen 120 kg drogë te ‘Shpati i malit’, hetime për zbulimin e autorëve
24 Tetor, 13:46 -
PD: Rindërtimi pas tërmetit të 2019, po përdoret për fushatë! Tenderat në Durrës po u jepen bandave
22 Tetor, 18:31 -
Tritoli ndaj banesës në Vaun e Dejës, Pronari verifikon kamerat e sigurisë: Autori Ishte i maskuar, vuri tritolin dhe u largua në këmbë
23 Shtator, 08:28 -
Vau i Dejës/ Shpërthen një lëndë plasëse në portën e banesës të 32 vjeçarit në fshatin Bushat (EMRI)
22 Shtator, 21:31 -
Vau i Dejës/ Kishte kultivuar 462 bimë narkotike në fshatin Hajmel, 2 në pranga, 1 në hetim
20 Shtator, 13:27 -
Reshje të dendura shiu në të gjithë vendin! Si paraqitet situata në akset rrugore të Veriut
14 Shtator, 12:54 -
Atentati ndaj 'Audi-t' të blinduar në Bushat, shoqërohet disa orë në polici Safet Bajri, më pas lihet i lirë
3 Shtator, 18:10 -
Zjarr i madh në Kallmet të Lezhës, rrezikohen banesat! Zjarrfikësit në luftë me flakët
28 Gusht, 07:47 -
Zjarri në Vaun e Dejës përhapet në drejtim të Lezhës! Rrezikohen zonat e banuara
27 Gusht, 15:31 -
Lumi i Shalës fut në sherr konkurrence 2 familje në Vaun e Dejës, nën akuzë babë dhe bir! Kanosën me armë pneumatike 58-vjeçarin, shkak biznesi i varkave shëtitëse
26 Gusht, 11:45 -
Atentat i dështuar në Bushat të Vaut të Dejës! Qëllohet me breshëri kallashnikovi ndaj ‘Audit’ të blinduar, në kërkim vëllezërit Prendi e një tjetër
24 Gusht, 11:29
