Rivendosja e gërmave te TK, Kryemadhi: Fitore morale, humbën Rama- Veliaj

Rivendosja e gërmave te TK, Kryemadhi: Fitore morale, humbën Rama- Veliaj

Kryetarja e LSI-së, Monika Kryemadhi e ka cilësuar si fitore morale të artistëve dhe qytetarëve rivendosjen e gërmave të Teatrit Kombëtar. Ajo ka vlerësuar qëndresën  e artistëve, sipas së cilës një akt i tillë mbush me shpresë dhe optimizëm.

Nëpërmjet një postimi në rrjetet sociale, Kryemadhi ka bërë fajtor kryeministrin Rama dhe kryebashkiakun Veliaj, e ndërsa thekson se " ligji korruptiv i PPP së teatrit do jetë i pari që do të anulohet dhe çdo kush që ka firmosur për këtë vepër korruptive do mbajë përgjegjësinë jo vetëm morale, por edhe ligjore".

"Sot qytetarët e lirë, artistët e vërtetë, intelektualët kurajozë rivendosën germat e arta në godinën e Teatrit Kombëtar. Qëndresa e tyre prej mëse një viti inkurajon çdo njeri që lufton për të drejtën, për lirinë, për demokracinë, për vlerat kombëtare, për Shqipërinë, për Kombin.

Gjej rastin të falenderoj dhe të përshëndes Rudin, Kastriotin, Rezeartën, Anilën, Ervinin, Orin, Edmondin, Elonën, Julin, Tashën, Mirelën e qindra qytetarë të tjerë të lirë dhe mbi të gjitha Aleancën për Mbrojtjen e Teatrit për këtë fitore morale të tyre. Për asnjë çast nuk u stepën përballë presioneve, as u blenë dhe as u shitën përballë ofertave milionere, por i qëndruan dhe i qëndrojnë kauzës së tyre deri në fitoren e plotë të mbrojtjes së vlerave kombëtare. Akti i tyre sot të mbush me shpresë dhe optimizëm, por më vendos edhe para një përgjegjësie sa qytetare aq edhe politike.

Dyshja Rama-Veliaj, që si hajdute në mes të natës hoqën gërmat e teatrit, sot janë të humburit e mëdhenj para qytetarëve të lirë të këtij vendi. E kam thënë dhe e përsëris me këtë rast që ligji korruptiv i PPP së teatrit do jetë i pari që do të anulohet dhe çdo kush që ka firmosur për këtë vepër korruptive do mbajë përgjegjësinë jo vetëm morale, por edhe ligjore.

Ky nuk është premtim, por angazhim para qytetarëve të lirë, që sot fituan betejën e tyre.Të gjithë bashkë për e mbrojtjen e vlerave kombëtare. Asnjë hap pas", shkruan Kryemadhi. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ROZA: 08/05/2019 09:19

    Debile

    Përgjigju
  • Tir: 07/05/2019 21:33

    Ne fakt Mones i duhet pak fitore morali oer artistet se fitoren materiale e ka patur dhe enderron per vete. Artistet i ka ngopur me luge alumini bosh, per vete luge e pirun floriri te markes " bllok 7%".

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Mero Baze: Përpjekjet për të justifikuar 'marrëveshjen' që shuajti revolucionin

Mero Baze: Përpjekjet për të justifikuar 'marrëveshjen' që shuajti revolucionin