Një diskutim i pak kohëve më parë në programin “Quo Vadis” merr sërish vëmendje për shkak të një emri: Dritan Goxhaj. I ftuar në një panel ku po diskutohej ndryshimi i sistemit, personi që lexoi të hënën 5 kërkesa kundrejt qeverisë përpara protestuesve te kryeministria, ka shfaqur një nga idetë e tij radikale për të ndryshuar sistemin.

Sipas tij, rotacioni politik mund të vijë edhe nga plumbi, si në rastin e Avni Rustemit. Por, Goxhaj thotë se ndërsa akti është i lehtë, nevojitet mbështetje politike.

Dritan Goxhaj: Mund ta bëjë edhe plumbi.

-Kush?

Dritan Goxhaj: Plumbi.

-Çfarë ke parasysh, “21 janarin”?

Dritan Goxhaj: Jo, kam parasysh rastin e Avni Rustemit.

-Duke eliminuar liderët politikë.

Dritan Goxhaj: Absolutisht po.

-Por kjo është shumë e rëndë.

Dritan Goxhaj: Do e bëjmë si në Irak. Për ta bërë është e lehtë, për ta marrë përsipër është e rëndë. Akti është i lehtë, por do mbështetje politike që ti të bësh rotacion.

-S’janë deklarata këto për të thënë.

Rendit zhvillimet sipas orarit:
Ora 09:30
‘Ndryshimin e sjell plumbi’/ Taulant Balla pyet ‘flamingot’ për Goxhajn: Ky gjahtari i Iranit, çfarë kërkon mes jush?

Taulant Balla ka shpërndarë në rrjetet sociale videon e Dritan Goxhajt që thotë se rotacioni politik mund të vijë veç me “plumb.” Kreu i grupit parlamentar të PS pyet ‘flamingot’ e protestës se çfarë kërkon mes tyre ‘gjahtari’ i Iranit.

“Flamingot u larguan nga nga fishekët e gjahtarëve, por ne i ndaluam gjahtarët dhe flamingot u kthyen. Kam një pyetje për “flamingot” e protestës: ky gjahtari i Iranit që flet për plumba, çfarë kërkon mes jush?!”, shkruan Balla.

P.J/Shqiptarja.com