POP 5

Lajmet më të lexuara të 5 minutave të fundit

Sociale

Rrëfim 'dashurie' për mësimdhënien! 'Zysh' Lirika: Më mungojnë fëmijët që mësova për 42 vite

7 Marsi i rrëfyer për “ReportTv” nga ish mësuesja e gjimnazit “Petro Nini Luarasi” Lirika Lleshi. Mësuesja e anglishtes rrëfen marrëdhënien e saj me mësuesit dhe nxënësit.

 “Ti bësh të lehta gjerat e vështira”, ky është ai nocion që do të përkufizonte më së  miri e në kuptimin më të plotë  figurën e mësuesit në ditën e tyre.

Sot është 7 Marsi, një ditë në vit për të shprehur mirënjohjen  ndaj prindërve të dytë, mësuesve. Një ditë në vit, kur gjithë shoqëria reagon dhe shpreh respekt ndaj atyre që mbjellin Ardhmërinë . Në këtë ditë feste te veçantë ku e gjithë shoqëria bashkohet për të nderuar mësuesit që kanë aq shumë ndikim në formimin e brezave që rriten, në një rrëfim për Report TV, ish-mësuesja e anglishtes  Lirika Lleshi, tregon kontributin e një jete në gjimnazin Petro Nini Luarasi .

“Gjithë jetën time ia kushtova profesionit të mësuesisë. Një detyrë fisnike, që merret me edukimin e brezit të ri, që të mban shpirtin gjallë, që të jep energji, dhe forcë ashtu siç unë e kam vazhduar për 40 vite me rradhë duke mësuar, duke dhënë dije por në të njejtën kohë duke fituar ata dashuri, mirësi”, thotë mësuesja.

Teksa ndjehet nostalgjike për 42 vitet e saj të kaluara në mësimdhënie mësuese Lirika, tregon me emocion se fillimet e saj në vitin 1972 qenë të vështira për të, por se me kalimin e ditëve, muajve, viteve koha e mësoi ta dashuronte këtë profesion, i cili ende sot i mungon në kujtimet që ruan. 

“Fillimet e punës kanë qenë të vështira, sa të mbarosh studente, të vazhdosh e të dalësh në profesionin tënd të nderuar mësues është e vështirë. Vështirësi sepse nuk e di se ç’është mësimdhënia, pavarësisht kurseve speciale që kishim bërë, prapë se prapë duhet kohë eksperiencë për ta fituar atë. Na u desh një përvoje e gjatë e punës, që të arrinim rezultatet që dëshironim. Kam pasur një klasë kujdestari, që unë e adhuroja në fillimet e punës time. Kishim nxënës të talentuar. Më propozuan në atë kohë, zysh do të bëjmë një dramë. Por ishte një kënaqësi, një klasë kujdestari të realizonte një dramë, ishte shumë e vështirë  në atë kohë por nxënësit tanë kur kanë ëndrra ato i realizojnë”, thotë Lirika Lleshi. 

Në kujtimet e saj nuk mungojnë fotot me nxënësit e saj, të cilët ende sot e kujtojnë atë me respekt dhe dashuri, po as dhurata simbolike e një libri  të marrë nga një  ish-nxënësi i saj këtë 7 Mars.

"Viti i katërt i maturantëve, dalloj Drini Imamin, Akan Hajdinin dhe ky një nxënës shumë i dashur për mua sot drejton një bankë. Kohët e fundit një nxënësi im, sot është poet, më ka dhuruar një libër “Ditari i Gardianit K”, i Sinan Kërpaçit. Ai është poet e ka shkruar mbi 600 poezi”, shprehet ish-mësuesja.

Më 7 mars 1887, u hap në Korçë, mësonjëtorja e pare shqipe e që atëherë kjo festë  është traditë tashmë e çdo shkolle në Shqipëri ku përqafimet, buqetat me lule, dashuria, mirënjohja dhe respekti bëhen bashkë në një ditë të vetme.

“Mësuesve të gjithëve të Shqipërisë, i uroj Gëzuar festën e 7 Marsit. Nëse ka dashuri për profesionin, çdo gjë arrihet. Është një punë e palodhur e mësuesve që kanë bërë e po bëjnë ndër vite”, përfundon mësuese Lirika.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu