Janë dy personazhe intriguese, që frymojnë dhe reflektojnë brenda barkut të nënës së tyre, njëri që beson në jetën pas lindjes dhe tjetri skeptik. Bëhet fjalë për dy embrione, X dhe Y, të cilët bëhen dëshmitarë të shpresës dhe shqetësimit, ndërsa përballen me një dyluftim të fuqishëm ekzistencial që prek edhe zemrën e shikuesit. “Rrënjë” titullohet vepra me autore Ulpiana Malokun, e lexuar skenikisht në Teatrin “Metropol” mbrëmjen e së mërkurës.
“Trajtohet paralelizmi mes jetës dhe vdekjes dhe besimi nëse ekziston apo jo jeta pas vdekjes. Vepra është shkruar para katër vitesh dhe iu dedikohet të gjithë njerëzve, të cilët kanë pikëpyetje ekzistenciale për jetën, për unin e tyre, besimin te tjetri.”,- shprehet për "Report TV", autorja Maloku.
Ndërsa aktorja Tana Kalemaj thotë se është përvoja e saj e parë e kësaj forme, që patjetër ka sfidat e veta.
"Unë e kam lexuar tekstin edhe më parë dhe i jam rikthyer. Jo gjithmonë kam patur të njëjtin përjetim dhe të njëjtën përvojë, qoftë dhe vetëm duke e lexuar tekstin në intimitet dhe jo përballë një publiku. Besoj se ia kemi dalë të përçohet emocioni, të përjetohet dhe kuptohet teksti dhe flluska imagjinare të jetë shumë pranë publikut, që e ka ndjekur leximin.”, - nënvizon ajo
Edhe për aktorin Gesjon Selfo gjithçka ka shkuar mirë.
“Interpretova Y. Ai ka ngarkesë si karakter sepse është gjithmonë një karakter skeptik, ka gjithmonë dyshimet e tij, por besoj se shkoi mirë. Y është gjithmonë ajo pse-ja, ndërsa X është gjithmonë e vërteta, ajo dora e cila mban vëllanë dhe i thotë që kjo është e duhura.”, - vëren ai.
Libri “Rrënjë” i Malokut është promovuar disa vite më parë në Prishtinë, duke vënë theksin në fuqinë e gruas dhe përkujdesin e jashtëzakonshëm ndaj fëmijëve.
Lajme të tjera
-
Drama ‘Gjaku i martirëve të kombit’ premierë në Shkodër! Persekutimi i priftërinjve, dramë bazuar në ngjarje reale
4 Mars 2023, 18:52
-
'Mbreti Lir' çel sezonin e ri artistik në skenën e Teatrit Metropol
24 Shtator 2022, 10:47 -
'Tre dimra' ngjisin në skenën e Teatrit Metropol Yllka Mujon, Luiza Xhuvanin, Marjeta Ljarjen dhe Viktor Zhustin
1 Prill 2022, 18:36 -
Teatri Metropol vjen këtë sezon me larmi aktivitetesh, ja Kalendari i Festivalit “Adriatik” 6-19 shtator 2021
6 Shtator 2021, 19:20 -
‘Pikaso dhe Ajnshtajn në një bar në Paris’, çelet sezoni artistik teatror në Teatrin Metropol
10 Qershor 2021, 19:28
-
Historia 100-vjeçare e Shqipërisë, nga shitja e territoreve te ministrat e paditur, ‘Otto Witte 5 ditë mbret’! (VIDEO)
12 Shtator 2020, 16:48
-
Teatri Metropol prezanton muzikalin “Të mirësjellshmit” për fëmijët në shesh!
1 Qershor 2020, 17:23
