I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte nutricionisti nga Suedia Altin Joka, i cili foli për rrezikun që vjen nga alumini, metalin më të përhapur që gjendet në jetën tonë.
“Alumini nuk është nga elementët që i duhen trupit tonë, edhe pse është ndër metalet më të përdorura në përditshmëri” e nis kështu bisedën nutricionisti, duke shtuar se alumini ka gjetur përdorim në kozmetikë, enë kuzhinë, apo në ushqimin që ne konsumojmë. Sipas tij, alumini sjell efekte negative sepse pengon 200 funksione biologjike tek bimët, njerëzit apo kafshët, pasi kur futet në trup kthehet në helm.
”Më parë shkencëtarët kanë menduar se alumini nuk sekretohej në trup, largohej nga organizmi, por kjo gjë nuk është e vërtetë, pasi një pjesë e aluminit qëndron në trup” nënvizoi Altini.
Studimet thonë që alumini akumulohet në indet e trupit, fillimisht në zorrë e më pas në tru, mushkëri, mëlçi, kocka dhe gjendrat tiroide dhe me kalimin e viteve, kjo sasi që grumbullohet në trup sjell probleme të rënda si sëmundja e parkinsonit, alzhaimer dhe demenca.
”Alumini në trup kur futet, eleminon kalciumin, hekurin, disa minerale të tjera dhe vitamina, të cilat mund të shkaktojnë deri në anemi” shtoi nutricionisti, duke treguar se përmbajtja e lartë e aluminit në trup, është lidhur dhe me autizmin, apo me dializën tek veshkat, kancerin e gjirit, apo çrregullime me frymëmarrjen, probleme me fibrozën e mushkërisë, funksionin e reduktuar të mushkërive apo gjendrat tiroide.
Po ku gjendet më së shumti alumini, në cilat produkte të jetës sonë jemi të ekspozuar me të?
”Alumini në sasi të lartë merret nga uji i pishëm, gjë që ne duhet t’a kuptojmë, është shumë i vështirë të pastrohet edhe pse përdoren filtrat, merret nëpërmjet deodorantëve antidjersë, kozmetikës kryesisht buzëkuqit, enëve të kuzhinës, kanaçeve që ne konsumojmë, tek pasta e dhëmbëve, te fijet dentare, tek filtrat e duhanit, tek aspirina e shumë ilaçe të tjera” u shpreh ai, duke shtuar se prezenca e alumit gjendet dhe në ushqime tek turshitë, djathërat e përpunuar, tek pluhuri pjekës që përdorim në gatim, në kremërat e qumështit e shumë të tjerë.
Dëmet dhe pasojat nga ngarkesa e këtyre produkteve me alumin janë shumë serioze ku disa nga simptomat e para janë problemet me harresën, shijimin, sytë e rënduar, dridhje të duarve, dhimbjet e muskujve. Shumë barna apo ilaçe kanë përmbajtje alumuni, sikurse dhe fishekzjarrët, të cilat kanë nivele tepër të larta alumini.
”Grupi më i rëndësishëm janë enët e gatimit që ne përdorim, sidomos tek enët e aluminit që ne ziejmë ujë” shtoi ai, pa harruar të thoshte se produktet e ushqimit me alumin janë gjithashtu pjesë shumë e dëmshme. ”Të gjitha gatimet në alumin krijojnë probleme, psh. perimet, mishi” tha ai.
Po si mund të largohemi nga alumini dhe si të mbrohemi dhe pastrojmë organizmin?
“Kjo kalon në katër faza, e para, ndërprerja e menjëhershme e përdorimit të aluminit, konsumi i ujit alkalin 8-12 gota në ditë, përdorimi i algave të detit, përdorimi i gurit zeolit, pluhur apo me pika. Kemi dhe disa lëngje që bëjnë detoks nga alumini, si smuthi me avokado, boronicë, brokoli sjell një pastrim më të mirë të trupit. Një tjetër hap i rëndësishëm është largimi i ushqimeve të përpunuara, konsumimi i ushqimeve sa më të freskëta si dhe kombinimi i gjetheve të ullirit me aloeverën, sidomos përdorimi i erëzave jeshile të freskëta, si borziloku apo koperi, majdanozi, rozmarina, rigoni, apo temjani”, u shpreh Altini në fund të intervistës.
Lajme të tjera
-
Ju futen thonjtë në mish? Ylli Merja tregon kurën natyrale që ju shpëton në pak ditë
23 Dhjetor, 15:58 -
Altin Joka: Kujdes, zbokthi është problem i brendshëm shëndetësor / Ja si mund të luftohet
18 Dhjetor, 15:57 -
Keni dhimbje të gjurit? Ja kura natyrale që do jua largojë dhimbjet përgjithmonë
16 Dhjetor, 17:24 -
‘Kujdes në dashuri’ Jorgo Pulla paralajmëron shenjat…/ Horoskopi i javës, parashikimi për çdo shenjë
16 Dhjetor, 15:45 -
Altin Joka: Ja ‘magjia’ e përdorimit të kripës si terapi dhe cila sëmundje mund të kurojë
12 Dhjetor, 14:52 -
Probleme me fryrjen e barkut dhe jashtëqitjen? Mund të vuash nga sindroma e zorrës së irrituar/ Ja ç’duhet të bëni
11 Dhjetor, 10:37 -
1 thelpi hudhër në ditë haje në këtë mënyrë… Hudhra mund të ndryshojë jetën nga Altin Joka
4 Dhjetor, 16:35 -
Laringiti te fëmijët, simptomat që nuk duhet t’i neglizhoni / Ylli Merja: Ja si ta trajtoni në mënyrë natyrale
2 Dhjetor, 15:39 -
Kujdes! Çdo vendim i kësaj jave ndikim deri në Mars 2025 / Horoskopi javor 2-8 dhjetor nga astrologu Jorgo Pulla
2 Dhjetor, 12:30 -
Dëllinja 'ilaç' për shpirtin dhe shëndetin / Ylli Merja: Ja si ta përdorni mrekullinë kurative të natyrës
25 Nëntor, 16:19 -
Ja ç’do ndodhë në Dhjetor! Lëvizje të forta planetare, Jorgo Pulla paralajmëron shenjat…/ Horoskopi për muajin Dhjetor
25 Nëntor, 15:54 -
Nustricionisti dhe specialisti i Mjeksisë Holistike, Altin Joka: Ndryshimi i stilit të jetës dhe të ushqyerit ju zgjat jetën
24 Nëntor, 13:32
