TIRANË- Edhe Banka e Shqipërisë rishikon pritshmërinë për tkurrjen ekonomike. Guvernatori i Bankës së Shqipërisë Gent Sejko pret që ekonomia të pësojë një recesion në nivelin e 7.6% këtë vit, nga niveli 5% që u parashikua në fillim të pandemisë.
“Parashikimi i deritanishëm për rënien ekonomike është në nivelin e 7.6%. Megjithatë përshkallëzimi i mëtejshëm i goditjes apo krijimi i vështirësive në transmetimin e politikës monetare do të kërkoj lehtësimin e mëtejshëm të stimulit monetar. Në veçanti rreziqet e kahut të poshtëm burojnë nga zgjatja në kohë e pandemisë dhe ri-prezantimi i mundshëm i masave të distancimit social për kontrollin e pandemisë, mos përcjellja e politikës monetare, përkeqësimi i ofertës për kredi”, tha Sejko.
Guvernatori u shpreh se rënia ekonomike ka vijuar edhe në periudhën korrik-Shtator, pavarësisht se nuk ishim në karantinë. Ndërsa ecuria pozitive e saj pritet të nis në 2021.
“Aktiviteti ekonomik në shumicën e ekonomive ka shfaqur norma dyshifrore rënie, papunësi e rritur dhe gjendja e sektorit privat është përkeqësuar. Megjithatë ecuria më e mirë e të ardhurave tatimore dhe eksporteve si dhe përmirësimi i bizneseve dhe rritja e besimit, sugjerojnë që rënia ekonomike ka vazhduar por në nivel më të ulët se në tremujorin e dytë. Aktiviteti ekonomik në vend pritet të vij në përmirësim por të mbetet ende në territor negativ gjatë gjysmës së dytë të këtij viti dhe të rritet në vitin e ardhshëm”, deklaroi guvernatori.
Banka e Shqipërisë i ka vlerësuar si pozitive masat e ndërmarra për të parandaluar përhapjen e pandemisë dhe kapërcimin e krizës.
“Politikat e deritanishme kanë pasur një rol të rëndësishëm në përballimin e goditjes. Stimuli fiskal ka zbutur goditjen e financave të biznesit dhe të familjes. Stimuli monetar ka ulur kostot e financimit në ekonomi dhe ka gantuar likuiditet në sektorin bankar”, u shpreh Sejko.
Sa i takon rritjes së borxhit publik Sejko tha se është i pranueshëm në kohë të pazakontë. “Rritja e nivelit të borxhit është e pranuar në një situatë të tillë krize por sigurisht është një element rrezik dhe duhet të adresohet në të ardhmen dhe të punojmë për konsolidimin fiskal”, tha Sejko.
Këshilli Mbikëqyrës i Bankës së Shqipërisë ka lënë të pandryshuar qëndrimi aktual i politikës monetare me normë bazë interesit, 0.5%.
Lajme të tjera
-
STUDIMI/ Emigracioni i shkakton vendit së paku 800 mln euro humbje në një vit
14 Tetor, 08:34 -
Bum kërkesash për kredi, por rekord refuzimesh nga bankat! 1 në 4 aplikime nuk pranohet
5 Tetor, 20:38
-
Bizneset pa staf, shkak konkurrenca ndërkombëtare për punonjës të kualifikuar! BSH: Pagat të rriten në bazë produktiviteti
31 Korrik, 18:02
-
Detyrimet e papaguara/ 4 bashki thellojnë borxhin! Kavaja rekord, arrin në 818 mln lekë
29 Korrik, 17:16
-
Rënia e euros ul të ardhurat/ Raporti vjetor: Të ardhurat nga TVSH në tkurrje! Forcimi i lekut, dëmton buxhetin
28 Korrik, 16:36
-
Shqipëria, një ekonomi e dominuar nga monedha evropiane nga depozitat, kreditë e deri tek borxhi! Kursimet e shqiptarëve 54% në euro!
22 Korrik, 17:36
-
BSH ul pas 28 muajsh normën bazë të interesit me 0.25%, Sejko: Inflacioni po bie shpejt! Ulja pritet të sjellë rritje të euros e USD
3 Korrik, 16:21
-
2000 euro në muaj për të rinjtë në teknologji dhe informacion, Basha prezanton programin ekonomik: Taksa 9% do zhbëj kaosin e taksës progresive
5 Qershor, 17:40 -
Micro Credit ju pezullua licenca, Sejko: S'kam dijeni për hetime nga SPAK! BSH s’heton mashtrimin financiar
8 Maj, 16:39
-
Sot skadon afati për 73 mijë persona të dorëzojnë DIVA-n, gjobë me interes dhe kamatvonesë për ata që nuk sjellin deklaratën
30 Prill, 14:45
-
Klodian Tomorri: Nevoja urgjente për të mbrojtur qytetarët nga shitja e hiçit
10 Prill, 10:32
-
Nis 'Java e Parasë', Sejko: Aktivitete për menaxhimin dhe mbrojtjen e parave! Teknologjia rrezik për mashtrimin financiar
18 Mars, 14:57
