Lufta/ Washington Post: Irani mund të rishqyrtojë planet e tij për hakmarrje! Blinken: I takon liderit të Hamasit të vendosë për armëpushimin

Rreziku për shpërthimin e luftës në Lindjen e Mesme qëndron i lartë, por funksionarë të lartë të Shtëpisë së Bardhë deklarojnë së puna këmbëngulëse dhe intensiteti i lartë diplomatik i Joe Biden, mund të jetë duke dhëne frytet e veta.

Irani mund të rishikojë planin dhe të kalojë në një fazë tërheqjeje pas vrasjes të një jave më parë në Teheran të atij që tashmë është ish lideri i politik i Hamasit, Ismail Haniyeh. Hezbollah ndërkohë vazhdon të punojë “nën rrogozë”- shkruan David Ignatius për Washington Post.

Irani mund të rikonsiderojë planet e veta pasi Shtetet e Bashkuara kanë mbledhur asetet e tyre në rajon dhe i kanë dërguar Republikës Islamike mesazhe të qarta për pasojat që do të kishte në stabilitetin e qeverisë dhe presidentit të ri Masoud Pezeshkia nëse do të kishte një përshkallëzim të situatës.

Thellë nën qytetin verior izraelit të Haifës, është ndërtuar një spital më sipërfaqe të madhe. Qindra shtretër janë rreshtuar brenda mureve të tij prej betoni. Ka salla operacioni, një maternitet dhe pajisjet mjekësore të nevojshme, por ende nuk ka pacientë.

Qendra mjekësore Rambam nisi ndërtimin e këtij spitali-bunker, në vitin 2006 Izrael-Hezbollah.

Funksionon si parking shumëkatësh zakonisht, por në më pak se tre ditë mund të kthehet në një spital. Ka qenë në gatishmëri menjëherë që pas sulmeve të Hamasit në 7 tetor te vitit të kaluar.

Në rast të një sulmi të madh në Izrael , objekti është i pajisur me 2000 shtretër ,i gatshëm për të marrë pacient nga qendrat spitalore mbitokësore dhe të trajtojë viktima të tjera të plagosura nga spitalet brenda qytetit dhe ato pranë.

Ndërsa kërcënimi i një lufte gjithëpërfshirëse rajonale pas vrasjes së liderit të Hamasit Ismael Haniyeh  dhe komandantit te latë të Hezbollahut Fuad Shukr është i lartë, mjekët këtu thonë se janë të përgatitur për një sulm të madh në Haifa.