Rritja e çmimeve, Kisha Katolike: Radhët në qendrat tona është rritur, po shtohen të varfrit

Ndryshimet ekonomike të reflektuara në rritje çmimesh si pasojë e dy krizave që goditën njëra pas tjetrës Shqipërinë, tërmeti dhe pandemia, por edhe një krizë e re  energjetike që bashkë me Europën, po prek edhe vendin tonë ka ngjallur shqetësimin e Kishës Katolike, e cila në një mesazh drejtuar politikës thotë se ka një mungesë vëmendje ndaj shtresave në nevojë.

“I kemi ndjekur ndryshimet fiskale të ndodhura në kohët e fundit, sikurse rritja e çmimeve të produkteve të shportës, karburanteve dhe gazit si dhe është përfolur edhe për rritjen e çmimit të energjisë elektrike dhe vërejmë me keqardhje mungesën e vëmendjes që duhet për të varfrit e nevojtarët, për të pamundurit e të mënjanuarit e shoqërisë sonë.  Radhët që shtohen e bëhen më të gjata në qendrat tona për të varfrit, kërkesa e vazhdueshme, sidomos e familjeve të reja dhe e të rinjve, për emigrim, janë shenjë e prekshme e përkeqësimit të ekonomisë dhe mundësive për nevojtarët, duke treguar rritjen e numrit të tyre.”

Mesazhi i Ipeshkvijve të Kishës Katolike erdhi në Ditën e Pestë Botërore për të Varfrit, ndërsa u mbështet edhe nga Presidenti Meta, i cili në një reagim në Facebook thotë se nevojitet një politikë e përgjegjshme ekonomike që lufton varfërinë dhe garanton përfshirjen e plotë sociale.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Presidenti i ri duhet të jetë i PS apo i opozitës?



×

Lajmi i fundit

John

Ndarja nga jeta e Nishanit, reagojnë socialistët, Nikolla: Do kujtohet e respektohet nga qytetarët! Spiropali: Pusho në paqe