POP 5

Lajmet më të lexuara të 5 minutave të fundit

Ekonomi

Rritja e çmimeve mbetet e ulët, inflacioni zbret në 2.1% në qershor

Në qershor, çmimet ishin rreth 2% më të shtrenjta në krahasim me të njëjtin muaj të një viti më parë

Rritja e çmimeve mbetet e ulët, inflacioni zbret në 2.1% në qershor

Në qershor, çmimet ishin rreth 2% më të shtrenjta në krahasim me të njëjtin muaj të një viti më parë.

INSTAT, beri të ditur se ndryshimi vjetor i indeksit të çmimeve të konsumit në muajin Qershor 2024 është 2,1 %, një vit më parë ky ndryshim ishte 4,5%.

Që prej shkurtit të këtij viti, inflacioni ka rënë poshtë objektivit të Bankës së Shqipërisë prej 3% dhe shumë larg nivelit prej 8.3% që arriti në tetor 2022. Banka e Shqipërisë, në mbledhjen e një jave më parë vendosi të zbusë politikën monetare për herë të parë që nga fillimi i vitit 2022.

Banka e Shqipërisë ka si objektiv ruajtjen e inflacionin dhe këtë e realizon përmes normës bazë. Kur inflacioni është në tendencë për lart banka rrit normën e interesit dhe anasjelltas. Në mbledhjen e fundit BSH uli normën bazë me 0.25 pikë përqindje për herë të parë që nga marsi 2022.

Banka tha se rënia e inflacionit në tremujorin e dytë ishte relativisht e shpejtë, e diktuar nga rritja e ofertës së artikujve ushqimorë në tregjet rajonale dhe në tregun vendas. Efektet e kësaj goditjeje në inflacion priten të jenë të pranishme edhe gjatë pjesës së mbetur të vitit.

Tendenca e çmimeve diktohet nga ushqimet

Sipas INSTAT, Rritja vjetore e çmimeve në muajin Qershor është ndikuar kryesisht nga grupi “Ushqime dhe pije joalkoolike” me +0,72 pikë përqindje, pasuar nga grupi “Qira, ujë, lëndë djegëse dhe energji” me +0,42 pikë përqindje.

Gjithashtu, çmimet e grupit “Mobilje, pajisje shtëpie dhe mirëmbajtje e shtëpisë” ndikuan me +0,27 pikë përqindje, çmimet e grupit “Pije alkoolike dhe duhan” me +0,16 pikë përqindje, çmimet e grupit “Mallra dhe shërbime të ndryshme” me +0,12 pikë përqindje, çmimet e grupit “Veshje dhe këpucë” me +0,11 pikë përqindje, çmimet e grupit “Hotele, kafene dhe restorante” me +0,10 pikë përqindje, çmimet e grupit “Shëndeti” me +0,07 pikë përqindje, çmimet e grupit “Shërbimi arsimor” me +0,06 pikë përqindje, çmimet e grupit “Transporti” me 0,05 pikë përqindje dhe çmimet e grupit “Argëtim dhe kulturë” me +0,04 pikë përqindje.

Krahasuar me muajin Qershor 2023, rritja më e madhe e çmimeve vërehet në grupin “Mobilje, pajisje shtëpie dhe mirëmbajtje e shtëpisë” me 3,7%, pasuar nga grupet “Pije alkoolike dhe duhan” me 3,3%, “Veshje dhe këpucë” me 3,2%, “Qira, ujë, lëndë djegëse dhe energji”, “Hotele, kafene dhe restorante” dhe “Mallra dhe shërbime të ndryshme” me 2,2% secili, “Shërbimi arsimor” me 2,1%, “Ushqime dhe pije joalkoolike” me 2,0%, “Argëtim dhe kulturë” me 1,9%, “Shëndeti” me 1,7%, “Transporti” me 0,9% dhe “Komunikimi” me 0,1%.

Brenda grupit të ushqimeve çmimet e nëngrupit “qumësht, djathë dhe vezë” patën një rritje me 3,4%, pasuar nga nëngrupet “peshk” me 3,3%, “sheqer, reçel, mjaltë, çokollata dhe ëmbëlsira” me 2,9%, “zarzavate përfshirë patatet” me 2,6%, “mish” me 2,5%, etj./ Monitor

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58