Rritja e pagave për punonjësit e shtetit, shifrat rekord të shitjes së pasurive të paluajtshme dhe bumi turistik, ishin motorët kryesorë të rritjes ekonomike gjatë vitit 2024. Instituti i Statistikave thotë se Prodhimi i Brendshëm Bruto gjatë vitit të kaluar u rrit me gati 4% (3.96%) në raport me vitin 2023, aq sa ishin pritshmëritë e institucioneve vendase dhe të huaja.
Vetëm në tre muajt e fundit të vitit 2024, ekonomia është rritur me 3.63% duke u ngadalësuar në raport me sezonin veror kur u rrit me 4%. Degët kryesore gjatë këtij 3-mujori në raport me të njëjtën periudhë të vitit 2023 kanë qenë administrata publike me rritje prej 11.3%, e ndikuar prej finalizimit të reformës së pagave që ndërmori qeveria, që solli rritje të pagës mesatare që tashmë është 1000 euro.
Së dyti është tregu i pronave me rritje prej 10.7%, duke treguar për flukse të larta parash që qarkullon ky sektor, gjë që tregohet edhe nga investimet që gjatë 2024-ës u përqendruan në blerje pronash. Përpos çmimeve të larta, shitjet nuk kanë të ndalur, duke u udhëhequr më së shumti nga kërkesa për prona nga të huajt.
Për shkak se ky tremujor përkon me festat e nëntorit dhe të ndërrimit të viteve është rritur me 9.5% në raport me 2023-shin aktiviteti i sektorit të arteve dhe argëtimit, për të vijuar me turizmin me rritje prej 4.3% e deri tek ndërtimi me +1.5%.
Nga ana tjetër viti 2024 e ka thelluar krizën në sektorin e industrisë dhe bujqësisë. INSTAT thotë se aktiviteti industrial u ul me 7.7% gjatë vitit të shkuar dhe bujqësia u tkurr me 2.7%. Kriza që ka nisur prej gati 5 vitesh i ka dhënë më shumë efektet tek blegtoria, pasi numri i krerëve të bagëtive është në rënie të fortë.
Për të ringritur edhe një herë bujqësinë Banka e Shqipërisë ka miratuar programin me kredi të buta në vlerën 250 milionë euro, dhe brenda vitit do të aktivizohet një garanci sovrane po për këtë sektor.
Komente
Lajme të tjera
-
Shteti më i paguar se privati, gati reforma e dytë e rritjes së pagave! PS premton rritje të rrogës mesatare me 300 euro në mandatin e 4
26 Mars, 19:38
-
Më shumë investitorë të huaj në Shqipëri! Zgjedhin tregun që nuk “zhgënjen” asnjëherë (Ja shtetet që kryesojnë)
25 Mars, 15:09
-
Shqipëria 'vjel' frytet e turizmit! Vjet të huajt harxhuan gati 5 miliard € , rritje me 818 mln €
25 Mars, 15:02
-
Vijojnë protestat në Turqi pas arrestimit të kryebashkiakut të Stambollit! Erdogan: Kur të bjerë perdja, shfaqja e tyre do të përfundojë
25 Mars, 11:53
-
Spahiu për Report Tv: Qesharake, Berisha 40 vjet që premton kthimin e pronave, nga tokat e “xanuna”!
24 Mars, 22:23 -
Inflacioni për shkurtin bie në 2.33%, në janar ishte 2.36%
24 Mars, 13:22 -
Rritet numri i vizitorëve dhe i netëve të qëndrimit në strukturat akomoduese! Më shumë pushues nga Italia, Kosova e Gjermania
17 Mars, 16:45 -
Seanca e fundit para 11 majit/ Kuvendi boshatiset nga deputetët e opozitës, Kukësi ‘përplas’ PD-PS! Miratohet ngritja e Bankës Shqiptare të Zhvillimit
17 Mars, 07:05
-
Kuvendi/ Të hënën seancë maratonë me 25 pika, do zgjidhen anëtarët dhe kryetari i Këshillit Drejtues të RTSH! Diskutohet dhe Banka e Zhvillimit (RENDI+EMRAT)
15 Mars, 15:33 -
Papunësia ulet në nivel historik...Por 19% e grupmoshës 15-29 vjeç janë "përtacë"!
12 Mars, 15:09
-
Paga mesatare në vend arrin në 83 mijë lekë! Biznesi rrit deklarimin e pagave reale të punonjësve, por thellohet diferenca në pagesë midis privatit e shtetit
11 Mars, 16:58
-
Trump kërkon të përdorë bazat ushtarake të Pentagonit për të rritur prodhimin e mineraleve kritike në SHBA
11 Mars, 10:42
