POP 5

Lajmet më të lexuara të 5 minutave të fundit

Sport

Rruga drejt Katar 2022, Italia rikthehet te fitorja, Spanja e fortë për Kosovën! Belgjika 'prenoton' botërorin

Italia rikthehet të fitojë dhe e bën me goleadë. Të kaltrit mundën 5-0 Lituaninë dhe prekin kualifikimin në Botëror. Spanja ishte shumë e fortë për Kosovën duke fituar 2-0 në Prishtinë. Edhe Gjermania e Belgjika janë me njërën këmbë në Botëror.

Pas dy barazimeve radhazi ndaj Bullgarisë e Zvicrës, Italia rikthehet tek fitorja dhe konsolidon vendin e parë në grupin C kualifikues të Botërorit 2022. Në Reggio Emilia për skuadrën e Roberto Mancinit gjithçka ishte e thjeshtë duke mundur me goleadë 5-0 Lituaninë. Të kaltrit u udhëhoqën nga talentet e reja ku Moise Kean realizoi dy gola në minutat 11-të e 29-të ndërsa Raspadori provokoi një autogol dhe shënoi edhe vet në minutën e 24-të. Llogaritë i mbylli Di Lorenzo në pjesën e dytë. Kampionët e Europës e kryesojnë grupin C me 14 pikë ndërsa Zvicra barazoi mbrëmë pa gola me Irlandën e Veriut dhe mban vendin e dytë me 8 pikë.

Spanja e mundi 2-0 Kosovën në Prishtinë dhe “sheh” kualifikimin në Botëror. Furitë e kuqe shënuan nga një gol për çdo pjesë me Fornals dhe Torres. Spanja e kryeson grupin B me 13 pikë dhe Suedia u mund nga Greqia por mban vendin e dytë.

Gjermania po ashtu prenoton biletën për në Kupën e Botës. Pancerat arritën fitoren e tretë radhazi duke mposhtur 4-0 Islandën në transfertë. Gjermanët kryesojnë grupin J me 15 pikë 4 më shumë se vendi i dytë. Mbrëmë rrjetën e tundën Gnabry, Rudiger, Sane dhe Verner.

Belgjika është thuajse në Botëror. “Djajtë e kuq” fituan edhe ndaj Bjellorusisë në transfertë 1-0 me golin e Dennis Praet. Belgjika kryeson grupin E me 16 pikë ndërsa Çekia e vendit të dytë ka vetëm 7 pikë./ Përgatiti Andi Kapxhiu 

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça