Nisin punimet për Rrugën e Arbrit, Rama: E mbarojmë brenda këtij mandati qeverisës

Edi Rama nuk preu shirit, pasi prej vitesh ka ironizuar gërshërët në duart e Sali Berishës. Por as ai nuk i shpëtoi dëshirës për të lënë shenja, veçse tymi kësaj radhe nuk qe blu si në tunelin e Elbasanit, por rozë. Rruga e cila siç premtuan qeveritarët do të përfundoj brenda vitit 2021, sipas projektit përfundimtar është parashikuar të jetë 69 km, duke e nxjerrë Dibrën nga izolimi shekullor.

Edhe pse kryeministri thotë se nuk i ka qejf shiritat e daullet inauguruese, në këtë takim me qytetarët e Peshkopisë tingujt e daulleve ngjanin me boritë e fushatave, ndërsa Edi Rama, i veshur kuq e zi, përmendi dhjetëra dibranë të shquar ndër shekuj për të kuptuar se edhe rruga e Arbrit ka po kaq peshë në historinë e krahinës.

Llogaritë i bëri edhe me kundërshtarët e tij. “Duan s duan ata që përqeshin, Rruga e Arbrit nuk është më iluzion”. Edhe pikat e shiut që nisnin t’i binin mbi letrën e fjalimit, kryeministri i kthehu në favor të tij.  “E fitova bastin me Oltën, i thashë që kur të falas unë do fillojë shiu se pa bereqet nuk mbaron kjo punë”

LEXO EDHE:
Rama mbledh të martën deputetët dhe ministrat në Kryesinë e Kuvendit! Porosia: Të mos ketë mungesa

Edi Rama renditi shlyerjen e borxheve që i kishte lënë administrata e Berishës, dhe tha se projekti i përmirësuar i qeverisë së tij për Rrugën e Arbrit, ofron siguri, shpejtësi dhe ndërlidhje me zonat e tjera. “Kur të vij të kërkoj votën herën tjetër do të kaloj nga rruga e re”. Një dibran të cilin qeveria e hipi në podium për të treguar mençurinë e komunitetit të tij, bërë këtë propozim për emrin e rrugës.

“I them kësaj ministres, që në emrin tim atje në parlament të propozojë që Rruga e Arbrit të marrë emrin Edi Rama. Ftoj Bashen e Kryemadhin të votojnë që emri i kësaj rruge të jetë Edi Rama, sepse janë Dibranë. Nëse nuk e votojnë, ata nuk janë dibranë”. Demokratët protestuan gjatë vizitës së kryeministrit, ndërsa akuzuan se policia kishte dhunuar deputetin Xhemal Gjunkshi. Por edhe kësaj akuze Rama ju përgjigj me ironi.

Qytetarë të mbledhur sot në çdo krahinë të Shqipërisë. Vjen si jehonë një ngashërim, një përjetim i  një tosku të pavdekshëm. Dibra e përvetësoi si djalë. Ndodhesha në Dibër, kujton Abdyl Frashëri, iu tregoja të tjerëve se e ardhmja jonë varet nga bashkimi ynë si shqiptarë. Armët i mbani në duar të hani kokat e vëllezërve tuaj. Një uturimë e madhe më bëri të dridhem, një çast më pas u ngashëreva, kur pashë që shtrëngoni duart e njëri tjetrit. Frashërlliu qau si fëmijë tek pa malësorët gegë të përqafoheshin si vëllezër.

Këtu janë gdhendur bëmat më domethënëse të shqiptarisë. Të qënit zot në vend të vetë, nga mësonjtoret e Said Maldemit. Këtë urtësi se ul as koha. Biri më i madh I kësaj treve, Gjergj Kastriot Skënderbeu. Jam me fat që ndodhem sot në Dibër. Në këtë vit të Gjergj Kastriotit, dibranit e shqiptarit që s’ka të sharë. Nuk janë lajka, është zotim si arbri dikur motit, për bashkimin e përparimit siç e deshën të parët tanë. Skënderbeun dhe besëlidhjen nuk duam t’i shohim me daulle ceremonish. Vision që do bëhet realitet, duan apo s’duan ata.

Kur morëm mandatin, ne na u desh të pagunim 5 kontrata me vlerë 2.9 miliardë lekë për ta hapur rrugën e Dibrës si skenë për daulle dhe shirita. E njëjta situatë ishte në të gjithë Shqipërinë. E dini sa ishin detyrimet e programit transport rrugor në fund të 2013? 43 miliardë lekë të reja, që ne u detyruam katër vjet ti shlyejmë një për një.

Na u desh të paguanim 4 kontrata për rrugën e Tiranës, Kukës-Krumë, e për çdo rrugë tjetër. 67 kontrata të pa likujduara. Kilometrat lexohen tek rruga jo në foltore me tam-tame, për t’i hedhur hi syve një populli të tërë. Thonë që s’kemi bërë rrugë, qorrët që s’duan të shikojnë, shurdhët që s’duan të dëgjojnë. Por ne, jo vetëm që i përfunduam po dhe i likujduam. Buxheti për këtë vit, është shumë herë më i lartë se për vitin parardhës. Do përfundojnë shumë shpejt. Do përgjysmojmë distancën.

Do përfundojmë rrugën e Arbrit, thonin. Ku i kanë? Shiritat i prenë për të gjitha këto. E dini pse? Se i gjithi ky ishte një piramidë elektorale. Ta dëgjojnë të gjithë për Rrugën e Arbrit pse s’fillon pse s’fillon. Kishte lënë një projekt, një aventurë shqiptaro-kineze në formë vrimash. Na u desh të negocionim atë marrëveshje, humbëm kohë por bëmë gjënë  e duhur.

Sot, rruga që ndërtojmë me gjithë mirëmbajtjen kushton 250 milionë euro. Mirë që kushton më pak, por standarti i parashikuar nga inxhinierët e Saliut, do hynit në tunel pa tub emergjence. Rruga ishte tamam si gjarpër që rrotullohej e rrotullohej, në lartësi që janë ngricat gjithë kohën. Njësoj si Rruga e Kombit, që sot e diskutojmë ka pika ku rrezikohet jeta e njeriut. Me Partinë e Babales morën në qafë gjithë shqiptarët.

Pjesë nga fjala e Ramës sot në Dibër

TAG:
• edi rama
• rruga e arbrit
• Diber

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  63.8%

• Jo

  28.7%

• Nuk e di

  7.5%

Vota total: 1942

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di