Banorët e fshatit Daullas në Fier kanë dalë sot në një protestë paqësore ku kanë ngritur shqetësimin e tyre për rrugën që e lidh fshatin me qytetin e cila është dëmtuar shumë dhe është bërë gati e pakalueshme.

Sipas banorëve, nga infrastruktura e rrënuar e rrugës edhe fëmijët e tyre rrezikojnë që të mos shkojnë në shkollë, pasi automjeti që i transporton ata nuk shkon çdo ditë në zonë duke qenë se rruga është shumë e amortizuar.

Ata i kanë bërë thirrje institucioneve që të ndërhyjnë pasi kjo rrugë është e vetmja që lidh fshatin me qytetin e Fierit.

Janë 3 kilometra rrugë  me gropa  që këta  nxënës detyrohen të përshkojnë këtë rrugë për të shkuar në shkollë  në këmbë.

Ata  shprehen se rrugët  janë shkatërruar më shumë nga kalimi i mjeteve të rënda të dy kompanive që  punojnë afër këtij fshati por që përshkojnë këtë rrugë pothuajse çdo ditë.

Burime nga bashkia e Fierit kanë bërë me dije se është arritur një marrëveshje mes kësaj të fundit dhe firmës kontrakturee të Bypass që të bëjë edhe mirëmbajtjen e aksit rrugor.
 
Duke qenë se automjetet e tonazhit të rëndë shfrytëzojnë këtë aks do të jetë pikërisht kjo firmë ajo që do të investojë për shtrimin e rrugës dhe mirëmbajtjen e aksit. 
 
Përsa i përket nxënësve të shkollës dhe transportit të tyre, shumë shpejt mbyllet faza e tenderimit, nga ku do të shpallet edhe fituesi që do të mundësojë lëvizjen e nxënësve dhe jo vetëm, drejt qytetit të Fierit dhe anasjelltas.  


protesta fier

protesta fier

Redaksia Online
(F.T/shqiptarja.com)