RTSH reagon mbi mostransmetimin e çdo ndeshjeje të Euro 2020: Kemi kontratë vetëm për 31 ndeshje jo të gjitha

RTSH reagon mbi mostransmetimin e çdo ndeshjeje të Euro 2020: Kemi kontratë vetëm për 31 ndeshje jo të gjitha

Foto ilustruese

TIRANË- Televizioni Publik Shqiptar ka sqaruar se arsyeja se përse nuk i transmeton të gjitha ndeshjet e Euro 2020 është  për shkak të kontratës. Në këtë kontratë, parashikohet se RTSH, si çdo televizion publik, ka të drejtën për të transmetojë 31 ndeshjet më të rëndësishme në letër të këtij kompeticioni, nga 51 që janë në total. Pjesë e paketës së 31 ndeshjeve që do të transmetohen nga RTSH janë të gjitha ndeshje në fazën me eliminim direkt.

"Televizioni Publik Shqiptar është vënë në qëndër të zhurmës së krijuar kryesisht në rrjetet sociale gjatë ditëve të fundit rreth çështjes së transmetimit të ndeshjeve të Euro 2020. Që prej datës 11 qershor kur ka startuar kompeticioni, RTSH është angazhuar për të transmetuar falas sfidat më të forta në letër, pasi e drejta e transmetimit të paketës së europianit për Televizionin Publik Shqiptar parashikon 31 ndeshje, ku faza me eleminim direkt është përfshirë e plotë. RTSH ka detyrimin të sqarojë publikun se nuk i transmeton të 51 ndeshjet e europianit, por vetëm 31.

Prej disa sezonesh, të drejtën televizive për Kampionatin Europian, UEFA e ndan në dy paketa, atë me pagesë që përfshihen të gjitha ndeshjet dhe atë pa pagesë ku përfshihen disa nga ndeshjet. RTSH nuk mund të konkurojë për paketën me pagesë dhe kjo nuk ndodh vetëm me transmetuesin publik shqiptar", thuhet në deklaratë.

Për të argumentuar këtë qëndrim, RTSH sjell edhe disa shembuj nga shtete e tjera.

"Për të sjellë disa shembuj nga transmetues apo vende disa herë më të mëdhenj në përmasa apo buxhete transmetimi, RAI në Itali ka blerë të drejtën e transmetimit të vetëm 27 ndeshjeve, BBC në Angli ka zgjedhur të transmetojë vetëm 50 % të Euro 2020, ndërsa gjigandët gjermanë të rrjetit publik ARD dhe ZDF kanë siguruar sëbashku vetëm 34 ndeshje.

Një shembull më ekstrem është Greqia ku asnjë prej përballjeve nuk transmetohet në kanalin publik. Kampionati Evropian menaxhohet nga UEFA, ndërsa botërori nga FIFA që ka në traditën dhe legjislacionin e saj detyrimin për t’ua shpërndarë të drejtën e transmetimit, kryesisht mediave publike.

Televizioni Publik Shqiptar ka luftuar dhe po lufton që në betejën e ashpër të marketingut të sigurojë sa më shumë të drejta transmetimi falas për të gjithë shqiptarët dhe ia ka dalë mbanë me sukses pasi është i vetmi transmetues publik në rajon që servir një gamë kaq të gjerë sportesh pa kosto shtesë.

Kupa e Spanjes, Gjermanise, UEL apo CHL duke nisur që prej muajit shtator, kampionatet evropiane U21, futbollin e femrave dhe lojrat olimpike, Formula 1 e Moto GP. Janë vetëm disa nga evenimentet e paketës së madhe që plotësohet me sporte te tjera si baskteboll, volejboll apo turnete e medhenj te tenisit por edhe mbulim pothuajse i plotë në transmetim dhe informim i të gjitha sporteve në vendin tonë.

RTSH nuk do ta braktisë asnjëherë betejën për të siguruar sa më shumë të drejta transmetimi sportiv pasi misioni jonë është vetëm 1, argëtimi i çdo shqiptari që beson tek transmetuesi i tij publik”, thuhet në reagimin e RTSH.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

SPAK firmos 9 masa sigurie, mes tyre 2 ish-zyrtarë të Bashkisë së Tiranës Mariglen Qato dhe Redi Molla

SPAK firmos 9 masa sigurie, mes tyre 2 ish-zyrtarë të Bashkisë së Tiranës Mariglen Qato dhe Redi Molla