Ish-deputetja Rudina Hajdari thotë se nuk e ka takuar kurrë McGonigal dhe se emri i Ramës lidhet ngushtë me krimin dhe korrupsionin. Sipas saj, aludimimi i mediave më prestigjioz ndërkombëtare qe Rama ka korruptuar McGonigal është arsyeja kryesore pse njerëzit duhet të ngrihen në protestë më 11 shkurt. Në emisionin “Studio Live” me gazetarin Arbër Hitaj në “Report Tv” ish-deputetja Rudina Hajdari theksoi se në Shqipëri ka probleme pafund si mungesa e meritokracisë, shantazhet si rasti që Rama shantazhoi Bashën sipas saj për t’i dhuruar pushtetin, papunësia, etj.
“Objektivi madhor i protestës është ai që duam të gjithë shqiptarët, dorëheqja e Ramës, sepse ai nuk mban përgjegjësi personale kur në 2017 një ministër ra në burg për çështje droge apo punonjës të administratës që fshehin para në jastëkë dhe skandali i inceneratorëvë që sot e kësaj dita vazhdon i vjedh lekë shqiptarëve. Të gjithë këta njerëz nuk përfundojnë prapa hekurave sidomos kur Rama është i përfshirë në rastin e McGonigal, Rama duhet të japi dorëheqjen. Aludohet që ka korruptuar zyrtarë të lartë dhe është bërë lajm ndërkombëtar. Në momentin që institucionet nuk funksionojnë, opozita e ka humbur mekanizmin e kontrollit pasi qeveria nuk e lejon, në momentin që drejtësia nuk ecën me hapat që ne presim, administrata është e kapur dhe funksionon me urdhrat e Ramës. Ajo që duam të bëjmë ne është që të tregojmë që shqiptarët nuk të mbështesin, ky është mekanizmi i fundit që na ka mbetur në dorë”, tha Rudina Hajdari
Rudina Hajdari thekson problemet që ka sjellë Rama në pushtet ku sipas saj ka shantazhuar edhe Bashën.
“Rama me skandalin Mc Gonigal duhet të mbajë përgjegjësi. Gazetat më prestigjoze të botës kanë dhënë mjaftueshëm informacione për të hapur një çështje hetimi këtu. Rama ka gjetur një gjë të parregullt te Basha, një pagesë të parregullt që nuk ka treguar burimin dhe këtë e ka përdorur për të shantazhuar Bashën, kjo është skema. Basha ia dhuroi Ramës të gjitha pushtetet dhe nuk erdhi si dëshirë, por si shantazh. Nuk e kam takuar kurrë McGonigal dhe s’kam pasur punë me Nezën përveç se për të diskutuar për kujtimet që ai kishte me babain tim”
Rudina Hajdari ka shprehur hapur edhe kritikat që ajo ka bërë për Partinë Demokratike, duke theksuar se ka shembull Azem Hajdarin dhe se nuk ka frikë të shpreh hapur qëllimet duke ruajtur parimet e saj. Madje, ajo thekson se për këtë sjellje politike edhe është përjashtuar nga radhët e PD.
“Jam munduar të jap kontributin tim si e bira e Hazem Hajdarit, por edhe si Rudina duke treguar që skam bërë servilizma, duke dhënë kritikat e mia. Unë kritikoja që PD nuk duhet ti bojkotonte zgjedhjet lokale dhe jam krenare, sepse sot janë penduar të gjithë. Unë mundohem në të njëjtën formë si babai im të jem shembull dhe të bëj maksimumin tim. Nëpërmjet përgjegjësisë që kam si e bira e Azem Hajdarit jam munduar të jem sa më e drejtë duke kritikuar dhe synuar për të bërë më të mirën. Jam në PD jo për të marrë post, por për të kontribuuar dhe do ia dalim. Unë mendoj se nuk jam përshtatur, edhe tani që flasim nuk kam mbështetur rikthimin e Berishës, por nuk e vendos unë vullnetin e demokratëve. Nëse ata mbështesin rikthimin e tij kush jam unë ta kundërshtoj, por unë përsëri kam parime. Unë u përjashtova nga grupi parlamentar dhe forca politike pa asnjë lloj vendimi dhe Basha e bëri personale, qoftë edhe ndaj historisë së babait im. Duhet ndjekur statuti”, përfundoi Hajdari.
Komente
Lajme të tjera
-
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Humbi ndjenjat në protestë, videoja që rrëzon pretendimin e Gjekmarkajt! QSUT: S'ka problem shëndetësor! Policia: S'e goditi askush! Deputeti: Më shtynë brutalisht
24 Dhjetor, 11:02 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Protesta e PD-së, 7 të arrestuar, 21 protestues në hetim! Noka goditi efektivin, procedohet penalisht bashkë me 39 deputetë e zyrtarë të opozitës (EMRAT)
24 Dhjetor, 09:44 -
Përfundoi në spital pas protestës, Mziu shpërndan memen me Gjekmarkajn: Me fat që është gjallë, duke ditur që s'ka shtyllë kurrizore! Pendohet dhe e fshinë
24 Dhjetor, 09:28 -
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
-
Braçe ndan pamjet me dron të REPORT TV nga protesta e PD: Vuajtja e Tiranës një ditë para Krishtlindjeve, e bllokuar nga 102 vetë! Shkak, urrejtja ndaj këtij qyteti
23 Dhjetor, 21:55 -
Ironia e Spahiut: A do vazhdojë protesta nesër, apo deputetët do ikin me pushime?
23 Dhjetor, 21:23 -
Lutfi Dervishi: Bllokim rrugësh apo hapje shtigjesh…
23 Dhjetor, 20:22
-
Kreshnik Spahiu: Kërkojnë qeveri teknike apo bashki teknike?
23 Dhjetor, 19:39
-
Protesta/ Gjekmarkaj humb ndjenjat dhe rrëzohet në tokë! Kryetari i PD: E goditën efektivët! Reagon policia: Berisha gënjen (VIDEO)
23 Dhjetor, 18:54
Dy persone i ka rujte zoti nga korrupsioni dhe jane te pakorruptueshem, Fatmira dhe Rudina Hajdari.
Përgjigju