Seanca e sotme u shty, Tritan Shehu: Denigrim i parlamentit nga kryeministri sulltan! Krashi: Mosbindje nuk do të thotë djegie dhe thyerje karrigesh

Paralelisht me ardhjen e Erdogan sot ishte parashikuar një seancë plenare në Kuvend, e cila u pezullua për një javë më pas. Opozita kishte paralajmëruar aksion në Kuvend nëse do kishte seancë plenare.

Në ‘Frontline’, deputeti Tritan Shehu theksoi për Marsela Karapançon se shtyrja e seancës ishte një akt i turpshëm, penal dhe denigrim që i bëhet parlamentit.

'Është parlamenti që komandon  këtë vend. Është denigrim që i bëhet parlamenti. Nga kryeministri që është kthyer në sulltan. Askush në botë nuk ka të drejtë të na përzerë nga shtëpia njonë. Është vendimi më i turpshëm në parlamentarizëm. Është grusht shteti për të shkatërruar parlamentin. Është akt penal që i bënë parlamentit. Nuk bëhet të tilla veprime. Imagjino në itali ti thotë kreu i parlamentit në 10 të natës që nuk do mblidhet.'

LEXO EDHE:
Erdogan në Tiranë/ Krashi: Ditë e rëndësishme spirituale! Lisander Hoxha: Rama luan me marrëdhëniet personale në diplomaci

Lavdrim Krashi duke folur për aksionin e opozitës, nuk e sheh si mosbindje civile, pasi diçka e tillë nuk është me djegie dhe thyerje por marshim paqësor.

'Mosbindja është formë proteste paqësore, nuk do të thotë djegie, thyerje karrigesh. Mendoj se nuk ka krizë politike në sensin që thotë opozita. Ka krizë në PD dhe këtë krizë ja kalon shqiptarëve. E kalon tek ne. Ne nuk ja kemi për borxh. Protesta nuk matet me sa djeg, sa pronë shkatërron. Protesta mund të jetë efektive edhe me 1 person.'

Lisander Hoxha, anëtar i Këshillit Kombëtar të PD-së thekson se misioni i opozitës nuk është që të vijë në pushtet Berisha apo Meta, por të ketë një qeveri besimi që garanton votën e lirë.

'Situata në Shqipëri tejet e rëndë. Rrogat nuk janë rritur deri para pak muajsh. Ikja e të rinjve ka ulur prodhimin vendas. Shqiptarët janë në krizë të thellë politike dhe institucionale. Kush është detyrë e opozitës? A duhet të pretendojmë se jemi mirë? Apo të ketë një pluralizëm normal që qytetarët të vendosin me votë. Opozita nuk mund të rrijë në bufe. Misioni i shpallur nuk është t’ja marrim pushtetin Ramës dhe të vijë Berisha apo Meta. Është për një qeveri besimi që procesi zgjedhor të menaxhohet nga patronazhistë, si ministri i dosjes 184. Nuk duam proces zgjedhor fallso.'

Rendit zhvillimet sipas orarit:

Të Fundit Të Parat

G.K/Shqiptarja.com

TAG:
• protesta e 7 tetorit
• Lavdrim Krashi
• TRITAN SHEHU
• lisander hoxha
• frontline