POP 5

Lajmet më të lexuara të 5 minutave të fundit

Kronikë

Sekseri i CEZ mori 7 mln Euro
s'pagoi asnjë taksë në Shqipëri

Sipas përgjigjes së Drejtorisë së Përgjithshme të Tatimeve për Komisionin Hetimor të CEZ që drejtohet nga Taulant Balla, shtetasi Nuel Kalaj megjithëse pretendon se ka bërë konsulencë dhe është paguar 7 milionë Euro, nuk ka paguar asnjë taksë në Shqipëri.
Balla: Nuel Kalaj jashtë vendit, të sillet me forcë
Kalaj-Rulit: S'kam ardhur të më shikoni këpucët
CEZ, sekseri që mori paratë me çantë 100 telefonata me Berishën
Skandali i CEZ, dokumentet dhe provat e reja që fundosin Berishën
Afera CEZ, ja email-i që implikon Shkëlzen Berishën
'CEZ', faktohet roli si sekser i Kalajt që nga 2005/ Dokumenti
Zbulohen të tjera dokumente për sekserin e privatizimit të OSSH te CEZ, biznesmenin nga Prizreni Nuel Kalaj.
 
Sipas përgjigjes së Drejtorisë së Përgjithshme të Tatimeve për Komisionin Hetimor të CEZ që drejtohet nga Taulant Balla, shtetasi Nuel Kalaj megjithëse pretendon se ka bërë konsulencë dhe është paguar 7 milionë Euro, nuk ka paguar asnjë taksë në Shqipëri.
 
Drejtoria e Tatimeve në dokumentin drejtuar Komisionit shkruan se Nuel Kalaj u regjistrua si person fizik në dhjetor të vitit 2007 me aktivitet konsulent ekonomik.
 
Në shtator 2010 Nuel Kalaj ndërpreu deklarimet në tatime, ndërsa nuk ka paguar asnjë taksë në shtetin shqiptar.
 
Në Tatime Nuel Kalaj rezulton i punësuar deri në Tetor të 2015 në subjektin HAM Group shpk nën administrimin e Drejtorisë Rajonale Tatimeve Kukës.

I njohur si mik i djalit të ish-kryeministrit Shkëlzen Berisha, Nuel Kalaj ka përfituar nga çekët e CEZ-it transferta bankare 6.8 milionë euro; dhe këto shuma më pas i ka tërhequr cash më 16 qershor 2009, vetëm pak ditë para zgjedhjeve të vitit 2009.
 
Emri i Nue ose Nuel Kalajt doli në skenë pas dëshmisë në komisionin hetimor të juristit të kompanisë OSHEE, Romeo Karajt.
 
Sipas tij, Nue ose Nuel Kalaj ka telefonuar mbi 100 herë brenda një muaji ish-kryeministrin Berisha, madje ka zhvilluar dhe takime në zyrën e këtij të fundit.
 
Nuel Kalaj është kërkuar nga Komisioni Hetimor që të sillet forcërisht për të dëshmuar për aferën, pasi e ka refuzuar dy herë komisionin.
 
Kryetari i Komisionit Hetimor për çështjen e privatizimit të OSSH te çekët e CEZ, Taulant Balla përmes në shkrese drejtuar Drejtorit të Policisë së Shtetit i kërkon që të verifikojë të gjitha lëvizjet e Sali Berishës dhe të Nuel Kalajt.
 
Komisioni kërkon verifikimin në sistemin TIMS të lëvizjeve të Berishës nga Janari deri në Shkurt të 2010 dhe të Nuel Kalajt nga Janari 2006 deri në shtator të 2012.
 
Komisioni kërkon verifikimin nëse shtetasi Nuel Kalaj nga Prizreni ka shtetësi shqiptare, nëse po a ka leje qëndrimi.
 
Gjithashtu në letër komisioni kërkon që nëse rezulton se Nuel Kalaj në Shqipëri ka lëvizuar me makina me targa shqiptare të vendosen në dispozicion se në emrin e kujt kanë qenë regjistruar.

letra komisioni hetimor parlamentar cez tatimet nuel kalaj

Përgjigja e Tatimeve për Komisionin e CEZ për aktivitetin e Nuel Kalajt në Shqipëri


dy.b/shqiptarja.com

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57