Sekuestroja e pronave në Razëm, zbardhen detaje të reja, pritet arrestimi i 14 zyrtarëve

Zbardhen të tjera detaje, sa i takon hetimeve të prokurorisë së rrethit Gjyqësorë të Shkodrës në lidhje me kërkesën e kësaj të fundit për nisjen e procedimit penal dhe vendosjen e sekuestros preventive për 25000 m2 tokë pyll në Razëm. Sipas burimeve pranë prokurorisë së Shkodrës, përfitues i sipërfaqes prej 53902 m2 është një person i vetëm i cili do të shiste më pas tokën ndaj personave të tjerë.

Ndërkohe që priten, urdhër ndalimet për 14 zyrtarë dhe ish zyrtarë të njësive vendore, Zyrës së Regjistrimit të pasurive të paluajtshme dhe Agjencisë së Kthimit dhe kompensimit të pronave të cilët do të jenë pjesë e dëshmitarëve por edhe personave të cilët dyshohet se kanë kryer falsifikimin e dokumenteve duke i dhënë pa të drejtë këtë sipërfaqe toke personave të tjerë.

Ndërkohe në lidhje me këtë ceshtje, i kontaktuar me telefon, kryetari i Bashkisë Malësi e Madhe, Tonin Marinaj ka deklaruar se hetimi nuk ka lidhje me asnjë prej zyrtarëve që aktualisht janë pjesë e administratës së Bashkisë Malësi e Madhe dhe se hetimi nuk i takon vendimeve që mund të jenë marrë pas vitit 2015-te.

LEXO EDHE:
Pamje mbresëlënëse, fshati turistik i Razmës nën petkun e dëborës

Çështja e pronave në Malësinë e Madhe është një gangrenë që e shoqëron prej vitesh këtë zonë. Edhe në vitin 2001-2002 Prokuroria nisi nje hetim për abuzime të pronave por kjo ceshtje u mbyll dy vite me vonë për mungesë faktesh dhe provash. Ngelet për tu parë se deri ku do të shkojë kësaj radhe kjo ceshtje, e cila nxjerr në pah një megaskandal të abuzimi të ish zyrtarëve  me pronat e banorëve të Razmës

TAG:
• tjetërsimi i pronave
• Razem
• Tonin Marinaj

Sondazhi i ditës:

Rithemelimi propozon votimin e detyrueshëm, jeni dakord?

• Po

  18.9%

• Jo

  78.3%

• Nuk e di

  2.8%

Vota total: 106

• Sondazhi i ditës:

  Rithemelimi propozon votimin e detyrueshëm, jeni dakord?

  Po Jo Nuk e di