POP 5

Lajmet më të lexuara të 5 minutave të fundit

Kosova & Rajoni

(VIDEO) Serbët marshim pro Rusisë në Beograd: Rroftë Putin, pa të nuk e kthejmë Kosovën! Nuk e harrojmë çfarë na bëri NATO

Pavarësisht aspiratës për t’u futur në BE dhe dëshirës për të fituar simpatinë e Perëndimit, serbët vazhdojnë të mbeten besnikë të Moskës dhe adhurues ndaj presidentit rus Vladimir Putin.

(VIDEO) Serbët marshim pro Rusisë në Beograd: Rroftë Putin, pa të nuk e kthejmë Kosovën! Nuk e harrojmë çfarë na bëri NATO

Beograd - Pavarësisht aspiratës për t’u futur në BE dhe dëshirës për të fituar simpatinë e Perëndimit, serbët vazhdojnë të mbeten besnikë të Moskës dhe adhurues ndaj presidentit rus Vladimir Putin.

Kjo është bërë e qartë në një manifestim pro rus në Serbi, të mbajtur mbrëmjen e 25 shkurtit, nën sloganin “Serbët dhe rusët vëllezër përgjithmonë”, ku rreth 1 mijë njerëz dolën në Beograd për të shënuar 2 vjetorin e luftës së nisur në Ukrainë.

Gjatë marshimit të tyre rrugëve të Beogradit, serbët nuk lanë pa përmendur edhe Kosovën, duke thënë se kjo e fundit nuk mundtë pushtohet pa ndihmën e presidentit rus.

Pjesëmarrësit, që mbanin në duar flamuj serbë dhe rusë, gjithashtu dhe pankarta të ndryshme me simbolin Z të përdorur nga ushtria e Putinit gjatë luftës në Ukrainë, marshuan drejt monumentit të Nikollës së Dytë, në shenjë proteste kundër politikës së Bashkimit Europian.

"Rroftë Rusia, Rroftë Putin”,-ishin disa nga thirrjet e tyre ndërkohë që nuk mungonin as pankarta kundër NATO-s.

Mediat vendase shkruajnë se manifestuesit thanë se Serbia do ta harrojë kurrë atë që NATO-ja i bëri Beogradit.

“Ne do të jemi gjithmonë solidare me Rusinë dhe popullin rus”,- deklaruan disa prej tyre.

Pjesëmarrësit kënduan gjithashtu këngë diskriminuese ndaj shqiptarëve dhe kore kërcënuese për Kosovën. Manifestimi pro rus erdhi në një ditë kur u shënua 2 vjetori I nisjes së luftës në Ukrainë. Më herët në Beograd u zhvillua dhe një marshim pro Kievit dhe paqes.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lui: 26/02/2024 14:32

    Vetëm një gjë është e pashpjegueshme. Përse Europa dhe SHBA i tërheqin veshin Kosovës dhe tolerojnë kaq shumë Serbinë?! Fundja populli serb e ka bërë zgjedhjen e vet. Duan të rrinë me Rusinë. Do ishte shumë më e lehtë (edhe më e drejtë), nëse përkrahet Kosova dhe izolohet Serbia. Kështu pak nga pak edhe Serbia do e shikojë që do izolohet dhe mbase ndryshon mentalitet. Meqë me tolerancë nuk po zgjidhet gjë prej kaq shumë vitesh, atëherë le të provojmë izolimin. Fundja nuk është dhe ndonjë territor i madh që kushton devijimi i lëvizjes së mallrave, bëhet fjalë vetëm për pak qindra kilometra shtesë distance por nga ana tjetër përfitohet dinjiteti i Europës dhe pse jo edhe stabiliteti. Serbia do jetë e rrethuar nga BE pasi të futen të gjitha shtetet e Ballkanit perëndimor në BE, dhe Serbisë t’i vendosen sanksione, ose të mos konsiderohet partner tregëtar me asnjë shtet të BE dhe të paguajë taksa të majme kur të përdorë hapësirat ajrore, tokësore dhe detare të BE. Të vendoset kështu për të paktën 50 vjet dhe pastaj të mund të rishikohet qasja. Nëse Serbia ndryshon orientim politik dhe mentalitet perëndimor, atëherë të fillojnë procedurat për afrimin e Serbisë. Në të kundërt, le të rrinë të izoluar, sepse fundja vetë e zgjedhin nga të kthehen.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33