POP 5

Lajmet më të lexuara të 5 minutave të fundit

Kosova & Rajoni

Serbi/ Shembet streha në stacionin e trenit në Novi Sad, 14 viktima (VIDEO)

Të paktën 14 persona kanë humbur jetën në Novi Sad si pasojë e shembjes së pjeshme së strehës së stacionit të trenit ku ata po prisnin.

SERBI – Të paktën 14 persona kanë humbur jetën në Novi Sad si pasojë e shembjes së pjeshme së strehës së stacionit të trenit ku ata po prisnin.

Ngjarja ndodhi rreth orës 12:00, kur stacioni ishte i mbushur me pasagjerë të shumtë, të cilët prisnin trenin.

Ministri i Brendshëm në Serbi, Ivica Daçiç tha se grupet e kërkim-shpëtimit kanë arritur të gjejnë dy persona të gjallë të cilët ndodhen nën rrënoja.

Mediat serbe njoftojnë për dhjetëra të plagosur, një prej të cilëve thuhet se ka humbur këmbët.

I pyetur se kush është përgjegjës për aksidentin, Daçiç tha se se tani vëmendja duhet të jetë në shpëtimin e njerëzve nga rrënoja.

Rendit zhvillimet sipas orarit:
Ora 21:43
Serbi/ Shembja e strehës në stacionin e trenit, del videoja! Reagon kompania që e rikonstruktoi

 

Mediat serbe kanë publikuar videon nga shembja e pjesshme e strehës në stacionin e trenit në Novi Sad, ku mbetën të vdekur 14 qytetarë.

Ndërkohë, presidenti serb Aleksandër Vuçiç, falënderoi ekipet e kërkim shpëtimit dhe qytetarë vullnetarë të cilët punuan papushim për të shpëtuar qytetarët që ishin nën rrënoja.

Vuçiç kërkoi nga Prokuroria e Lartë Publike në Novi Sad dhe Qeveria e Serbisë që personat përgjegjës për këtë, të dënohen ashpër.

“Kur them Qeverinë e Serbisë, kam parasysh përgjegjësinë politike, por edhe penale”, tha Vuçiç.

Ai deklaroi se është e pabesueshme që gjithçka është rinovuar, dhe se vetëm tenda nuk është rinovuar pas 60 vitesh.

Konsorciumi i kompanive kineze CRIC-CCCC njoftoi se mbulesa e betonit e stacionit hekurudhor që u shemb sot në Novi Sad, nuk ishte objekt i punimeve në kuadër të rikonstruksionit të stacionit, në përputhje me lejen e ndërtimit të miratuar.

K.M/Shqiptarja.com

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Vdes edhe një i burgosur politik në Bjellorusi

Vdes edhe një i burgosur politik në Bjellorusi

1 Nëntor, 22:56