Sergio Conceicao zhvillon stërvitjen e parë, trajneri i Milanit: Na duhet zemër e nxehtë dhe mendje e freskët

Sergio Conceicao zhvilloi stërvitjen e parë si trajneri i Milanit. Portugezi zëvendësoi bashëkombasin e tij Fonseca në stol dhe firmosi deri në 30 qershor 2026. Debutimi do vijë më 3 janar në Superkupë kundër Juventusit, aty ku Sergio do ketë si kundërshtar të birin, Francisco.

Me të mbërritur në "Milanello" trajneri zhvilloi edhe stërvitjen e parë si edhe tha fjalët e para si kuqezi. Zemër të nxehtë dhe mendje të freskët, këtë kërkon ish-trajneri i Portos që me Milanin nuk do ketë një punë të lehtë.

“Jam krenar për këtë aventurë , emocioni është i përkohshëm sepse duhet të punojmë dhe ne duhet të kemi një zemër të ngrohtë dhe një kokë të freskët për të punuar sa më shumë që të jetë e mundur dhe të jemi në gjendje të fitojmë ndeshje, kjo është ajo që ne duam ne përfaqësojmë një klub të madh në nivel botëror dhe duhet të jetojmë sipas këtij klubi të madh", tha ai.

LEXO EDHE:
Italia 'toka e premtuar', Arbër Hoxha kërkohet në Serie A

Conceicao më pas përmendi edhe kalendarin dhe kohën e limituar, me Milanin që nuk do ketë pushime.

"Nuk kemi shumë kohë, por ky nuk është absolutisht asnjë justifikim. Unë me kohën që kam në dispozicion duhet të punoj sa më shumë që të mundem në mënyrë që lojtarët të kuptojnë se çfarë duhet të bëjnë në nivel individual për të qenë një skuadër e fortë në çdo ndeshje. Nuk ka rrugë tjetër sepse do të kemi shumë punë për të bërë dhe me organizimin që kemi, me cilësinë që kanë lojtarët mund të bëjmë gjëra të mira këtë vit.

Fjalët janë fjalë dhe unë duhet ta demonstroj me fakte dhe me rezultatet. Duhet të ketë shumë punë nga të gjithë, jo vetëm nga lojtarët, por edhe nga stafi, nga stafi i ndryshëm që përbëjnë të gjithë strukturën në 'Milanello' dhe ne jemi këtu për të punuar, do të thotë të punojmë shumë për të qenë një ekip fitues dhe i denjë për këtë klub të madh që është Milani”, tha 50-vjeçari portugez.

TAG:
• Sergio Conceicao
• Milan
• serie a

Sondazhi i ditës:

Çfarë prisni në vitin 2025?

• Punë

  10.8%

• Shëndet

  67.7%

• Mirëqënia

  21.4%

Vota total: 2440

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia