Seria A fillon sezonin e ri në mes të gushtit

Seria A fillon sezonin e ri në mes të gushtit

Serie A

Serie A e këtij sezoni ka hyrë në fazën vendimtare, me Interin që zgjeron epërsinë në krye të tabelës. Elita e futbollit italian shikon përpara dhe vendos afatet për sezonin e ardhshëm.

Një sezon me një kalendar plot ndeshje dhe disa risi të rëndësishme si Liga e re e Kampionëve me 36 ekipe me një grup të vetëm dhe Kupa e parë e Botës për Klube me 32 skuadra që do të zhvillohet në Shtetet e Bashkuara të Amerikës në verën e vitit 2025.

Ngjarjet që nuk mund të mos ndikojë në fillimin e kampionatit të ardhshëm italian, i vendosur tashmë nga Lega Serie A për fundjavën 17-18 gusht 2024 sipas Corriere dello Sport.

Një datë thuajse e detyrueshme duke pasur parasysh angazhimet e shumta të parashikuara, por që do të duhet të përballet ende me Euro 2024 në verë. Nëse afati i mesit të gushtit zyrtarizohet, në fakt, lojtarët e përfshirë me kombëtaret e tyre përkatëse në Gjermani do të kenë shumë pak kohë për pushuar dhe rimbushur bateritë për sezonin e ardhshëm.

Për më tepër, finalja e turneut kontinental do të zhvillohet më 14 korrik. Duke marrë parasysh fazën përgatitore të skuadrave të Serisë A, lojtarët vështirë se do të kenë më shumë se 15 ditë në dispozicion për të pushuar.

Sa i përket Superkupës së Italisë, mediet tej Adriatikut thonë se formati 'Final Four' i parë këtë vit duhet të konfirmohet. Mini-turneu duhet të zhvillohet në Arabinë Saudite, por këtë herë ndeshjet duhet të caktohen në dhjetor 2024.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

FOTOLAJM/ Iranianët festojnë pas sulmeve ajrore kundër Izraelit

FOTOLAJM/ Iranianët festojnë pas sulmeve ajrore kundër Izraelit