POP 5

Lajmet më të lexuara të 5 minutave të fundit

Kronikë

Sezoni turistik deri më 15 nëntor/ Klosi: Plazhet këtë vit në menaxhim dhe nga restorantet! Kush s'bindet u konfiskohen shezlongët dhe hiqet licenca

Sezoni turistik këtë vit do të zgjasë deri më 15 nëntor. Ministri i Turizmit Blendi Klosi tha nga Vlora, se me qëllim rikuperimin e muajve të humbur për shkak të COVID-19, sezoni do shtyhet më tej.  Klosi prezantoi edhe mënyrën se si do të aplikohet për licencën për menaxhimin e plazhit, teksa shtoi se këtë vit ato do të menaxhohen edhe nga restorantet.

VLORË- Ka apo nuk ka diell, 15 nëntori do të shënojë fundin e sezonit turistik në Shqipëri. Lajmin e dha vetë Ministri i Turizmit Blendi Klosi.

“Për të zëvendësuar kohën e humbur, ditët e marsit, prillit, majit me kërkesë dhe të operatorëve turistikë do të shtyjmë sezonin deri në 15 nëntor në mënyrë që dhe ju të keni mundësi të paguani faturat dhe taksat”, bëri të ditur Klosi.

Këtë vit plazhet nuk do të menaxhohen vetëm nga hotelet. Ministri Klosi tha se për të siguruar pastërti dhe shërbim cilësor kjo mundësi do ju jepet edhe restoranteve të mëdha.

“Morëm një vendim te Këshillit te Ministrave para tre ditësh qe do bëjmë një ndryshim ne mënyrën e menaxhimit te plazheve ne vendin tone. Për çfarë e bëjmë e bëjmë se na duhet qe hotelet ne gjithë vijën bregdetare dhe ku s’ka hotele restorantet, qe ku s’ka , restorantet qe kane një numër te konsiderueshëm tavolinash. Pra restorante te vërtet jo nga ato kioskat qe ndërtohen, pra restorante mbi 20 tavolina. S’ka hotele do te menaxhojnë vijën bregdetare”, tha Klosi.

Nga Vlora, ministri i turizmit sqaroi se zona e plazheve në qytetin bregdetar, këtë vit do të jetë e ndarë me kode unike, dhe të gjithë hotelet dhe restorantet do të kenë mundësinë që të aplikojnë nga 1 qershori në portalin e-albania për të marrë licencën, me të njëjtin çmim si në sezonet e kaluara.

“Në e-albania aplikimet nisin nga 1 qershori deri në 15 qershor, në mënyrë që më 1 korrik gjithçka të jetë gati. Aplikimi në e albania është shumë i thjeshtë, aplikohet dhe nga telefoni. Vendos numrin e NIPTIT, do të dëshmojë që posedon një hotel, vetë-deklarimin e kushteve të higjienës. Pra numri i banjove, dusheve. Këto janë 3 dokumente. Pastaj do të zgjedhë numrin e parcelës sipas kodit në hartën digjitale, për të cilën dëshiron të aplikojë si dhe një foto. Çmimet nuk kane ndryshuar janë ato qe këshilli bashkiak ka vendosur për hapësirën e Plazhit qe do te merret kurse kodet unike janë te menaxhuara nga një sistem i cili do te ofrohet online për strukturat hoteliere nga data 1 qershor”, u shpreh Klosi.

Ministri sqaroi gjithashtu se këtë vit nuk do të ketë kontrata 5-vjeçare, dhe të gjithë ata subjekte që nuk respektojnë protokollin shëndetësor, do të gjobiten dhe do t'u pezullohet licenca.

“E para kjo është për këtë situate pra nuk është një kontrate 5 vjeçare. Por është për këtë sezon pasi do na duhet te kuptojmë se dhe duke pare një menaxhim te mire te vijës bregdetare dhe duke pare një menaxhim me te mire te kësaj pasurie kombëtare te kemi mundësinë qe  te bëjmë një menaxhim gjate sezonit por dhe te jemi shume me te strukturuar edhe te respektojmë ne mënyrë strikte dy gjera. Për mos respektim te protokollit te Ministrisë se Shëndetësisë do te këtë gjoba shume te forta deri ne sekuestrim te pasurisë, pra shezllonget dhe deri heqje te licencës  se aktivitetit”, theksoi ai.

Ministri Klosi vuri edhe një herë theksin tek hapësirat publike, që sipas tij këtë vit janë të mirëpërcaktuara dhe do të ketë më shumë se vitet e tjera, duke iu dhënë mundësi qytetarëve që të përfitojnë nga vija bregdetare.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vali: 01/06/2020 12:02

    O minister kungull,,,plazhet duhen pastruar nga pallatet pafund dhe ujrat e zeza qe derdhen ne plazhe,,turp ,turp,,30 vjet e njejta situate...ndertoni resorte or debile....

    Përgjigju
  • vjeshta: 01/06/2020 06:18

    Një herë na tha shefi se do bejme plazhë si qëmoti?

    Përgjigju
  • A. N.: 01/06/2020 00:14

    Mezi arrinim te mbledhnim emigrantet per 1 muaj turizem nga mesi i korrikut deri ne mes te gushtit. Tani ky eksperti deklaron deri ne nentor do kemi turizem. Pervec bregdetit qe e ka i gjithe rajoni cfare turizmit do ofrojme ne nentor?

    Përgjigju
  • Tosi: 31/05/2020 20:41

    Si do ja bejne horrat me dhembe te thyer dhe me hu ne dore qe zaptojne plazhet me shesllone si toke e xanun, a do mundet shteti te beje zap Mihalet e Himares qe dalin mbi shtetin dhe u bejne zbor qytetareve.

    Përgjigju
  • behuni korrekt me lexuesit: 31/05/2020 20:27

    Kam mendimin qe ne kete artikull te botuar, mund te kete shume komente qe kundershtojne nisjen e mare nga ministri Klosi. Ju lutem botoni komentet ……...

    Përgjigju
  • Lui: 31/05/2020 19:19

    Zoti Klosi, kryeministri yt dhe i yni me duket sikur ka thene qe kete vit do kete vetem plazhe publike perjashto hapesirat perpara hoteleve qe jane private. Si shpjegohet qe tani dilni me planifikimin 80% privat dhe 20% publik ne plazhet e Shqiperise?!

    Përgjigju
  • Hako: 31/05/2020 16:20

    Ky eshte vertete humorist,Dikush duhet t'i mesoje qe turizmi behet kur ka turiste dhe jo me komandim.

    Përgjigju
  • Erla: 31/05/2020 16:19

    Ore kur do beni zyrtar levizjen e International Flights. Nuk po booking dot te gjithe shqiptaret nga USA dhe Canada sepse agjensite nuk u kofirmohet ne sistem. Vetem me shqiperine ky muhabet nderkohe qe booking behet per cdo vend tjeter ne BE ose Turqi apo Serbi!!!

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

PD: Balluku shfaqje nëpër fasoneri, euro në pikiatë

PD: Balluku shfaqje nëpër fasoneri, euro në pikiatë

26 Dhjetor, 19:54