"Po e bëj për Zenin!"- Mesazhe në Sky mes Vis Martinajt dhe Erigers Mihasit për Gaz Bardhin: 'Jepi 100 mijë euro për fushatën!' Bardhi: Shantazh!

Tirane- Kryetari i grupit parlamentar të PD-së, Gazment Bardhi i kërkon SPAK-ut të hetojë për disa mesazhe që i kanë mbërritur më datë 28 Shtator në aplikacionin Signal, ku përmenden personazhe të krimit të organizuar.

Bëhet fjalë për transkriptimin e disa mesazheve të pretenduara të nxjerra nga Sky-Ecc që i kanë derguar deputetit mbrëmjen e 28 Shtatorit nga përdoruesi anonim "Mbreti Zog" te shoqeruar me nje  mesazh ku shkruhet: “Ervis Martinaj, Erigers Mihasi, të jesh mirë”. Mesazhi i është bashkangjitur letrës së dërguar në SPAK.

Po çfarë përmbajnë këto mesazhe?
Bëhet fjalë për mesazhe të dërguara nga përdoruesi "Mbreti Zog", anonim, në mbrëmjen e 28 Shtatorit, ku i dërgohen me print-script dy dokumente në telefon Bardhit dhe poshtë saj emrat e dy personazheve: Ervis Martinajt, i zhdukur pa gjurmë prej 8 Gushtit 2022 dhe Erigers Mihasit, i vrarë në një atentat tre vite më parë.

Këtyre pergjimeve shoqeruar me mesazhi dhe të shpërndara edhe nëpër disa media, bëhet fjalë për një bisedë e pretenduar në SKY-Ecc mes Ervis Martinajt dhe ushtarit të tij Erigers Mihasit, i vrarë në nëntor 2023. Mbi pergjimet nuk ka prova për autenticitetin e tyre dhe as nuk dihet nese jane ne dispozicion te SPAK ose jo.

Por nga ajo që është shpërndarë njëri prej tyre është nisur nga Ervis Martinaj në drejtim të një numri tjetër ku shkruhet  “çoji Gaz Bardhit 100 mijë euro te hotel…” Kur e pyesin pse i jep kaq shumë ai përgjigjet: Po ca ti bej Zenit, se për këtë... "

Biseda e pretenduar mes Martinaj dhe Mihasit   është bërë në vitin 2021. 

24/02/2021 22:04:09 NPBL54 Nga je
24/02/2021 22:05:03 T1812F Ne shtepi
24/02/2021 22:05:15 NPBLS4 Shkon dot deri te zyra te marresh 100mi euro
24/02/2021 22:05:19 NPSLS4 Ti coje deri te .... tja jepje gaz bardhit
24/02/2021 22:05:30 TI8QF Po tani
24/02/2021 22:05:34 NPBLS4 0672050911 nri gazit
24/02/2021 22.05.37 NPSL54 Bani tel ne signal kur te jesh aty qe te ulet ti marri
ok
Po pse po ju jep kaq shum se kto zdo vin kurr ne pushtet
24/02/2021 22:06:39 
NPBL54 Po ca ti bej zenin se per kyt spo e rruj k...
....

24/02/2021 22:06:56 NPSLS4 Fola me te i don per fushat
24/02/2021 22.07.01 NPBLS4 I thash dhe per grupin e shoqerimit qe e pagun
24/02/2021 22:07:05 NPBLS4 Kam shpernda dhe 5000 tv per fushat
24/02/2021 22:07:00 NPBL54 Dhe shum njerzve ju kam fal borxhet vetem per vota
...

Ti e di ate pun Unisa un
22:57:09 T1812F 22:57:13 T1812F
Ja dhash te fala boni
Ishte optimist per fitore
 

Bardhi shton se ka vënë në dijeni ambasadat e SHBA, BE-së dhe Mbretërisë së Bashkuar në Tiranë.

“Gazment Bardhi i kërkon SPAK që të hetojë dhe verifikojë në një kohë të shpejtë mesazhet me natyrë intimiduese ndaj një deputeti të Kuvendit të Shqipërisë, me qëllim identifikimin e autorit/ëve të këtyre mesazheve, motiveve të dërgimit të tyre, dhe arsyet e prodhimit të një dokumenti të falsifikuar. Gjithashtu, për qëllime publike ju nxis të verifikoni edhe përmbajtjen e rrethanave konkrete të tyre”, përfundon njoftimi i nisur nga PD.

Bardhi beson se të interesuar për të fabrikuar, sajuar, shpikur dhe shpërndarë të tillë mesazhe, qëndrojnë persona publikë dhe figura të krimit të organizuar të denoncuar prej tij publikisht dhe në SPAK”.

“Kryetari i grupit parlamentar të PD-së, Gazment Bardhi ka informuar Prokurorinë e Posaçme Antikorrupsion për një përpjekje kriminale për ta intimiduar atë përmes dokumenteve të falsifikuara. Ai i kërkon SPAK-ut të hetojë për disa mesazhe që i kanë mbërritur më datë 28 Shtator, në aplikacionin Signal, ku sajohen ngjarje dhe përmenden personazhe të krimit të organizuar. Zoti Bardhi beson se të interesuar për të fabrikuar, sajuar, shpikur dhe shpërndarë të tillë mesazhe, qëndrojnë persona publikë dhe figura të krimit të organizuar të denoncuar prej tij publikisht dhe në SPAK”, thuhet në njoftimin e bërë sot (30 Shtator) publik.

Më tej jepen edhe disa detaje nga mesazhet e dërguara, që kanë të bëjnë me përmbajtje bisedazh e lidhjesh nga përgjimet e SKY ECC.

“Këto mesazhe intimiduese dhe me përmbajtje tërësisht të rreme, vijnë pas seancës plenare të datës 12 Shtator 2024, ku gjatë një interpelance me Kryeministrin e Shqipërisë Edi Rama, unë në cilësinë e deputetit të Kuvendit të Shqipërisë e përballa atë me disa të dhëna të platformës SKY/ECC që janë bërë publike, si dhe e paralajmërova se shumë shpejt do ta përballë me të dhëna të tjera të të njëjtës natyrë, që provojnë lidhjet mes funksionarëve të lartë publikë dhe krimit të organizuar, gjithmonë pa cenuar dhe duke respektuar rregullat për ruajtjen e sekretit hetimor”, thotë Bardhi në letrën për Drejtuesin e SPAK-ut.

 

(Kliko këtu për të lexuar dokumentin e plotë)

A.Q/S.G/Shqiptarja.com

TAG:
• Signal
• kallezim penal
• spak
• PD
• gazment bardhi
• Ervis Martinaj
• Erigers Mihasi