Shtetet e Bashkuara vendosën të enjten sanksione ndaj disa kompanive me bazë në Kinë, Hong Kong dhe Emiratet e Bashkuara Arabe, të cilat Uashingtoni i akuzon për shkelje të sankioneve duke mundësuar shitjen e produkteve petrokimike dhe produkteve të naftës për blerësit në Azinë Lindore.
Masa e fundit amerikane kundër tregtisë së paligjshme të naftës iraniane vjen pas ngecjes së përpjekjeve për rikthimin e marrëveshjes bërthamore të vitit 2015 me Iranin dhe kur raportet e Republikës Islamike me Perëndimin janë gjithnjë e më të tensionuara, ndërsa iranianët vazhdojnë protestat antiqeveritare.
Uashingtoni po vë gjithnjë e më shumë në shënjestër kompanitë kineze lidhur me eksportin e produkteve petrokimike, ndërsa shpresat për rikthimin tek marrëveshja bërthamore janë zbehur.
Departamenti amerikan i Thesarit tha në një deklaratë se 13 kompanitë ndaj të cilave u vendosën sanksione, të enjten lehtësuan shitjen e produkteve petrokimike iraniane dhe produkteve të naftës, në vlerë prej qindra miliona dollarësh për blerësit në Azinë Lindore.
Sipas Uashingtonit, tregtia u bë në emër të kompanive nën sanskione amerikane, duke përfshirë Kompaninë Kombëtare iraniane të Naftës dhe kompaninë tjetër iraniane “Trillians Petrochemical Co. Ltd”.
“Veprime e sotme janë një shembull i metodave komplekse të shamgies së sanksioneve që Irani përdor për të shitur naftë dhe produkte petrokimike në mënyrë të jashtëligjshme”, tha në një deklaratë nënsekretari i Thesarit për Terrorizmin dhe Zbulimin Financiar, Brian Nelson.
“Shtetet e Bashkuara do të vazhdojnë të zbatojnë sanksione kundër atyre që lehtësojnë këto shitje”, shtoi ai.
Misioni iranian në selinë e Kombeve të Bashkuara në Nju Jork nuk u përgjigj menjëherë në kërkesën për një koment të agjencisë së lajmeve Reuters
Mes kompanive të ndëshkuara nga Departamenti amerikan i Thesarit ishin edhe disa firma me bazë në Emiratet e Bashkuara Arabe dhe Hong Kong, të cilat akuzohen për lidhjet e tyre me kompaninë iraniane “Triliance Petrochemical Co. Ltd”.
Sipas Uashingtonit, vendimi për përcaktimin e tyre shënjestron shmangien e sanksioneve amerikane nga firma me bazë në Hong Kong.
Departamenti i Thesarit vuri në listë edhe kompaninë me bazë në Dubai, “Access Tehnology Trading L.L.C.”, e cila akuzohet për blerje në vlerë prej dhjetëra miliona dollarësh të një dërgese kineze të produkteve petrokimike nga Kompania Tregtare e Industrisë Petrokimike e Gjirit Persik, ndaj së cilës Shtetet e Bashkuara kanë vendosur sanksione.
Kompania me bazë në Kinë “Trading Import and Export Trace Co. Ltd.” është gjithashtu në listë. Uashingtoni e akuzon atë për lehtësimin e një dërgese nafte për një klient të huaj të Kompanisë Kombëtare iraniane të Naftës.
Agjencia e lajmeve Reuters nuk arriti të kontaktonte kompanitë për një koment.
Vendimi i së enjtes ngrinë çdo pasuri amerikane të kompanive të vendosura në listën e atyre që kanë shkelur sanksionet ndaj Iranit, dhe në përgjithësi u ndalon amerikanëve që të bashkëpunojnë me to. Ata që angazhohen në transaksione financiare me këto kompani rrezikojnë të goditen nga sanksione të reja amerikane./VOA
Lajme të tjera
-
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Agron Gjekmarkaj: Sami Repishti iku, la pas një monument
27 Nëntor, 20:40
-
'Ajo duket e dehur', amerikanët të habitur nga gjendja e Kamala Harris në videomesazh: Mesa duket stafi i saj e urren (VIDEO)
27 Nëntor, 20:23 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
SHBA/ Kërcënime me bomba ndaj të përzgjedhurve të Trump për kabinetin e ri! Reagon FBI
27 Nëntor, 19:01 -
NBA/ Phoenix i jep leksion Lakers, Milwaukee 'shkelmon' krizën! Fitojnë Bulls e Rockets
27 Nëntor, 14:24 -
Javier Mascherano fiton garën me Sylvinhon, prezantohet zyrtarisht te Inter Miami
27 Nëntor, 13:53 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Trump nënshkruan marrëveshje me Shtëpinë e Bardhë për të filluar zyrtarisht transferimin e pushtetit
27 Nëntor, 07:13 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
