Mijëra pjesëtarë të marinës amerikane dhe të Filipineve kanë nisur stërvitjet e tyre të përbashkëta dhjetëditore në veri dhe perëndim të Filipineve, një ditë pasi Kina kreu ushtrime të mëdha ushtarake përreth Tajvanit.
Stërvitjet vjetore, të quajtura “Helmi”, fokusohen në mbrojtjen e vijës veriore bregdetare të Filipineve në ishullin e Luzonit, që gjendet rreth 800 kilometra nga ishulli vetëqeverisës i Tajvanit.
Pekini e konsideron Tajvanin pjesë të territorit të tij dhe nuk e ka përjashtuar mundësinë e forcës për marrjen e kontrollit të ishullit. Kina tha se stërvitjet e së hënës ishin “paralajmërim i ashpër” për forcat “separatiste” në ishull. Gjatë stërvitjeve, ushtria kineze rrethoi Tajvanin.
Stërvitjet e përbashkëta ushtarake mes Shteteve të Bashkuara dhe Filipineve po mbahen pas një seri të konfrontimeve mes Kinës dhe Filipineve lidhur me shkëmbinjtë nënujorë dhe ujërat në Detin e Kinës Jugore, që Pekini pretendon se i përkasin atij.
Komandanti i marinës së Filipineve, gjeneralmajor Arturo Rojas, tha gjatë ceremonisë hapëse të stërvitjeve, se stërvitjet “nuk kanë të bëjnë asgjë me atë që po ndodh në rajon”.
Stërvitjet do të përqendrohen në ushtrimet në veri të brigjeve të Luzonit, ndërkaq aktivitetet e tjera do të kryhen në ishujt e vegjël filipinas që gjenden mes Luzonit dhe Tajvanit.
“Ne nuk po stërvitemi që t’i bashkohemi luftës [për Tajvanin]”, tha Rojas.
Ndërkaq, përfaqësuesi i marinës amerikane, koloneli Stuart Glenn, tha se stërvitjet synojnë të ndihmojnë SHBA-në dhe aleatët e saj që të përgjigjen “ndaj çdo krize”.
Po ashtu, ishulli Palavan, që gjendet afër Detit të kontestuar të Kinës Jugore, po ashtu do të jetë vend ku do të mbahen stërvitje.
Në këto stërvitje po marrim pjesë edhe pjesëtarë të marinave të Australisë, Britanisë, Japonisë dhe Koresë së Jugut.
Më 11 tetor, Qeveria filipineze njoftoi se një prej anijeve të patrullës civile kishte pësuar një dëm të vogël më 11 tetor, pasi qëllimshëm ishte shtyrë nga një anije e marinës kineze.
Incidenti ndodhi rreth 9.3 kilometra nga ishulli Titu i Filipineve, por ekuipazhi i anijes së Filipineve nuk ishte lënduar gjatë këtij incidenti dhe kishte vazhduar patrullimin.
Për vite të tëra, Kina ka tentuar të zgjerojë praninë e saj në zonat e Detit të kontestuar Jugor. Në muajt e fundit, Kina po ashtu ka dislokuar anije të rojeve bregdetare dhe të ushtrisë në këtë det./REL
Lajme të tjera
-
Sllovakia, e gatshme t’i bashkohet planit të Kinës dhe Brazilit për luftën në Ukrainë
1 Nëntor, 19:49 -
Votimi i hershëm në SHBA, votojnë më shumë se 65 milionë amerikanë
1 Nëntor, 15:49 -
NBA/ Uttah Jazz asnjë fitore, Morant vërteton krizën e Milwaukee! Nuk ndalet Phoenix
1 Nëntor, 15:34 -
Kamala Harris fushatë në Las Vegas me Jennifer Lopez! Këngëtarja: Fitorja e saj do jetë një fund i lumtur hollivudian
1 Nëntor, 13:08
-
Në mitingje sulmojnë SHBA-të si të korruptuara, por në takime me të deleguarën e ambasadës deputetët e PD i shkojnë ‘me vrap’!
1 Nëntor, 12:42 -
Gjykata ruse e dënon me gati 5 vjet burgim ish-punëtorin e konsullatës amerikane
1 Nëntor, 10:26 -
Rusi/ 10 mijë ushtarë koreano-veriorë gati kundër Ukrainës
1 Nëntor, 10:06 -
Trupat e Koresë së Veriut në Rusi, Blinken: Putin i dëshpëruar
1 Nëntor, 09:20 -
Shtetet e Bashkuara kritikojnë projektligjet e miratuara nga Serbia që lidhen me Kosovën
1 Nëntor, 09:04 -
Eduard Zaloshnja: Për herë të parë, Arizona bëhet blu për Kamalën
1 Nëntor, 08:33
-
Zgjedhjet për Shtëpinë e Bardhë, Harris dhe Trump intensifikojnë fushatat
1 Nëntor, 07:37 -
Sondazhet: Harris dhe Trump ‘kokë më kokë’ në Georgia dhe Karolinën e Veriut
31 Tetor, 20:47
