Me nisjen e vitit të ri shkollor, krahas zhvillimit të procesit mësimor, nisi edhe zbatimi i programeve në shkallë kombëtare, që kanë në qendër shkollën dhe që mbështesin shëndetin dhe mirërritjen e fëmijëve në moshë shkollore 6 deri në 14 vjeç, me zbatimin e një sërë procedurave depistuese për fëmijët, duke nisur që nga kujdesi dentar, kujdesi për shikimin, dëgjimin e së fundmi si një risi programi për depistimin e skoliozës.
Shkolla “Mihal Grameno” në kryeqytet, të cilën sot e vizitoi Kryeministri Edi Rama, së bashku me ministren e Shëndetësisë dhe Mbrojtjes Sociale Albana Koçiu, është një prej institucioneve arsimore përfituese e programeve të kujdesit shëndetësor.
“Shkolla “Mihal Grameno” është një nga shkollat ku aplikohet suksesshëm programi kombëtar “Shëndeti në shkolla” nëpërmjet aplikimit të një sërë procedurash depistuese për fëmijët, duke nisur nga kujdesi dentar, ai për shikimin, për dëgjimin dhe ndërkohë dhe një program më i ri kombëtar, ai për skoliozën. Shkolla ka 850 nxënës dhe vetëm vitin e kaluar shkollor këtu janë kryer 1400 depistime të përgjithshme”, u shpreh ministrja Koçiu.
Cfarë ofrohet?
“Shërbimi që ne ofrojmë është dhënia e ndihmës së parë, kontrolli i depistimit të fëmijëve për sëmundjet infektive, në rastet e traumave ne jemi prezentë, kontrolli i kartelave të vaksinimit, pra shërbimet e përgjithshme. Pastaj, çdo fillim viti ne bëjmë vizitat e syve. Është mirëpritur goxha mirë nga nxënësit dhe nga prindërit. Kemi pasur shumë rezultate. I kemi trajtuar herët dhe referuar herët”, shpjegon një nga mjeket që shërbejnë në këtë shkollë.
Një program tjetër i rëndësishëm është ai i depistimit të Shëndetit dhe Kujdesit Dentar, rreth të cilit ministrja Koçiu u shpreh se “aktualisht janë 208 stomatologë, të cilët punojnë në shkollat tona dhe janë afërisht 200 kabinete apo njësi dentare që ofrojnë diagnostik të hershme dhe këshilla për shëndetin oral të fëmijëve. Vetëm 2 vitet e fundit janë investuar 40 kabinete të reja dentare.”
Ky program ofron kontroll periodik, që synon edukimin shëndetësor për ruajtjen dhe kujdesin e dhëmbëve, si dhe shërbime konkrete, si fluorizimi, pastrimi i gurëzave si dhe trajtimet urgjente apo mjekimet e patologjive të indeve të buta.
Ndërsa sa i përket Programit më të ri që do të zbatohet, Depistimit të Skoliozës, ministrja e Shëndetësisë dhe Mbrojtjes Sociale Albana Koçiu tha se
“ka të bëjë pikërisht me depistimin, diagnoztikimin e hershëm të fëmijëve që kanë problematika me skoliozën, duke nisur nga mosha 6 vjeç deri në 14 vjeç. Nga këshillat e mjekëve nëse kapet herët edhe mundësitë për të rehabilituar dhe rikuperuar janë shumë të shpejta. Së bashku me programin “Save the children” jemi duke bashkëpunuar për të trajtuar 200 mësues fizkulture, të cilët do të kenë mundësi që nëpërmjet vlerësimeve që i bëjnë nxënësve të evidentojnë kush janë ata fëmijët që kanë nevojë për ndërhyrje më të specializuar pastaj tek mjek fizioterapie apo ortoped.
Ndërkohë ka dhe një faqe ëebsite të dedikuar për mënyrën e ushqyerjes së shëndetshme, për stilin e shëndetshëm të jetesës. Mësuesit e fizkulturës kanë një rol kyç në këtë pikë.
Janë 200 mësues fizkulture që do trajnohen dhe do të kenë mundësi më pas të fillojnë vlerësimet e fëmijëve që është e domosdoshmëri për t’i kapur sa më herët, gjithë problematikat që mund të vijnë si pasojë e të qëndruarit jo mirë në bankë, çantës së shkollës që mbahet me një peshë të konsiderueshme.
Lajme të tjera
-
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32
