Shenjtërimi i Nënë Terezës, Basha flet me fjalët e shenjtores: E djeshmja ka shkuar, e nesërmja nuk ka ardhur ende! Kështu që ka mbetur vetëm e sotmja

Me fjalët e vetë Nënë Terezës ka zgjedhur që përkujtojë shenjtoren në këtë ditë të veçantë për popullin shqiptar, ish-kreu i PD-së, Lulzim Basha. Ai shkruan se Nënë Tereza ka dhënë shembullin se si me këmbëngulje mund të arrihet gjithçka.

“Jo të gjithë ne mund të bëjmë gjëra të mëdha. Por ne të gjithë mund të bëjmë gjëra të vogla me dashuri të madhe.” Kjo është një ditë e veçantë për mbarë kombin shqiptar dhe ne të gjithë krenohemi me Nënë Terezën, veprën dhe trashëgimin e saj. Nënë Tereza na ka dhënë një shembull të madh se si me besim, dashuri dhe këmbëngulje mund të bësh gjëra të mëdha për ata që kanë më shumë nevojë. Nën shembullin e saj le të bëjmë të gjithë nga pak për një jetë më të mirë për çdo shqiptar.“E djeshmja ka shkuar, e nesërmja nuk ka ardhur ende. Kështu që ka mbetur vetëm e sotmja. Le të fillojmë”, shkruan Basha.

LEXO EDHE:
Mjeshtri i aktrimit Reshat Arbana i nënshtrohet një ndërhyrje kirurgjikale në zemër

Lajmi kryesor:

6 vite nga shenjtërimi i Nënë Terezës! Vatikani nxjerr monedhën me vlerë 2 euro me imazhin e shenjtores

B.K./Shqiptarja.com

TAG:
• Nene Tereza
• shenjterimi i nene terezes