Me rastin e 2-vjetorit të shenjtërimit të Nënë Terezës, kreu i Kishës Katolike, Imzot George Frendo, në një intervistë për gazetaren e Report Tv, Valeria Dedaj, ka apeluar për më shumë shpresë, paqe dhe dashuri.
Imzot George Frendo, ka kujtuar rolin dhe veprën e Nënë Terezës në jetën e çdo shqiptari dhe gjithë botës. Imzot George Frendo, u ndal dhe tek çështja e kriminalitetit në qytetin e Shkodrës. Ai iu bëri thirrje qytetarëve dhe politikës, që të kuptojnë rolin e besimit, që sipas tij, ka fuqinë të ndryshojë zemrat.
“Është ditë jo vetëm për katolikët, por për të gjithë shqiptarët. Vlera e saj nuk vetëm për shqiptarët, por për të gjithë botën.”-thotë Imzot George Frendo.
Intervista e plotë:
Çfarë mund të na thoni për kontributin e Nënë Terezës?
Zoti ka vepruar në jetën e saj. Kur shkoi në Kalkutë, ishte murgeshë, u bë drejtoreshë në një shkollë për personat me aftësi të kufizuara. Ajo pyeti veten: Si mund të duroj unë të jem këtu me këta fëmijë?
Në këtë periudhë me këtë krizë, ajo vuri re se Zoti e kërkonte për një hap më të guximshëm. Ajo hapi një kongratë më të rëndësishme, për më të varfërit. Kështu nisi jeta e saj në Kalkutë.
Ajo bëri shumë përpjekje për të ardhur në Shqipëri. Çfarë gjurmësh ka lenë ajo?
Ajo ka vuajtur shumë për faktin se qeveria shqiptare e asaj kohe se lejoi të vinte në Shqipëri, as kur vëllai i saj ishte i sëmurë dhe shkoi për t’u vizituar në Itali. Ndërhyri ambasadori francez, por nuk e lejuan. Kur erdhi në Shqipëri, ajo shkoi tek varri i Enver Hoxhës dhe u lut për të. Kjo është forca e kurajos.
Çfarë mund të na thoni për fuqinë që Nënë Tereza kishte?
Ishte një trupvogël, por feja dhe dashuria i dha forcë. Kur një amerikan vajti në Kalkutë, e pa duke shëruar plagët e një personi të mbushur me qelb, dhe i tha: ”Unë as për një mijë dollarë s’do e bëja”. Nënë Tereza ia ktheu: As unë s’do e bëja për 1000 dollarë.
Çfarë rëndësie kanë mesazhet e saj për brezat?
Kur mori çmimin Nobel, dha një mesazh të madh për paqen. Sigurisht, mesazhi i saj, ka bërë botën më të vetëdijshme për personat e mënjanuar. Ajo ndikoi që bota të dëgjojë më shumë britmën e këtyre personave, që ajo i kishte aq afër.
Në Shkodër ka patur të vdekur dhe trazira. Çfarë mund të na thoni edhe për rolin që ka kisha?
Së pari, dua të theksoj rolin e besimeve. Politika mund të ndryshojë strukturat, por besimi mund të ndryshojë zemrat. Kemi nevojë për mesazh të fortë. Nënë Tereza ka treguar dinjitetin e çdo njeriu, pavarësisht nga raca. Në botën e sotme, në një ambient ku ka shumë hakmarrje, e sot që dëgjojmë këto lajme, le të kujtojmë, që në situate të tilla duhet të hapim sytë e të dëgjojmë mesazhin e dashurisë. Ne si kishë katolike, kemi shpallur mesazhe dhe qarkore për të gjithë popullin. Të mos përdoret dhuna. Në ditët e sotme, flitet për protesta. Kemi të drejtë të protestojmë, por pa përdorur dhunë, respekti për atdheun duhet të na frenojë nga çdo ndjenjë dhunë.
Cilin nga mesazhet e Nënë Terezës do të përmendnit në këtë ditë?
Të respektojmë personin njerëzor dhe dashurinë për atdheun. Ajo kur mori çmimin Nobel, u mburr se ishte shqiptare.
Bota e nderoi në ’79, por çfarë duhet të bëjë politika shqiptare?
Edhe këtu në Shqipëri ekzistojnë vepra që mbajnë emrin e saj. Të dëgjohet më shpesh fjala e saj, kemi shkrime të saj, por është edhe vepra e saj. Të angazhohemi për një botë më të re. Në një botë ku sundon dashuria është një botë më e denjë për njeriun.
Lajme të tjera
-
Lezha përkujton martirët katolikë, at Ndoc Suma, Luigj Prenushi dhe Vinçens Prenushi
6 Nëntor, 16:15
-
Një librari në Tiranë me emrin e atit jezuit, Zef Valentini. Hapësira e re me botime të larmishme e gjithëpërfaqësuese
5 Nëntor, 13:54
-
Lufta ndaj kriminalitetit ka nevojë për klimë normale politike, institucione të pavarura dhe guxim të reagimit të qytetarëve duke i refuzuar në masë si fenomene!
2 Nëntor, 15:05
-
Greqi/ Skandal në Kishën Katolike! Dy priftërinj përvetësuan 3 milionë euro dhe i investuan në lokalet e natës
24 Tetor, 15:56 -
Veton Surroi: Nënë Tereza, Shteti Bektashi dhe njëqind fjalët në erën e IA-s
25 Shtator, 10:03
-
Fjala e plotë e Ramës në OKB: Mbështesim transformimin e qendrës së Urdhrit Botëror Bektashi në një shtet sovran në Tiranë
23 Shtator, 08:22
-
Foto e rrallë/ Nëna Terezë me Mbretëreshën Elizabeta II
6 Shtator, 11:20 -
“Unë besoj në mrekulli! Nënë Tereza më ngriti në këmbë, gjithë jetën ia dedikoj asaj!” Rrëfimi i rrallë i Ardit Mancakut, në ditën e shenjtores shqiptare
5 Shtator, 16:00
-
Dita e shenjtërimit të Nënë Terezës, Veliaj shërben drekën në qendrën komunitare 'Gonxhe Bojaxhi': Të largojmë urrejtjen dhe të inkurajojmë ata që shërbejnë
5 Shtator, 15:04 -
‘Besra’ dhe ‘Andrino’, 2 mrekullitë që shenjtëruan Nënë Terezën
5 Shtator, 13:40 -
8 vite nga shenjtërimi i Nënë Terezës, humanistja shqiptare që ia kushtoi jetën të varfërve! Begaj: Model frymëzimi! Rama: Gruaja e paqes në botë
5 Shtator, 08:04 -
VIDEO/ I burgosuri për drogë krijon art në fasadën e burgut të Vlorës, bën murale me portretin e Nënë Terezës
31 Gusht, 12:30
