Ndërsa ditën e nesërme pritet të nis ceremonia madhështore për shenjtërimin e Nënë Terezës, Papa Françesku përshëndet të pranishmit në Sheshin Shën Pjetër në Vatikan.
 
Me rastin e Jubileut të Punëtorëve të Mëshirës dhe Vullnetarëve në fjalën e tij Ati i Shenjtë kërkoi që të gjithë të ndjekim shembullin e Nënë Terezës, fotoja e së cilës kish pushtuar bazilikën e sheshit . 

“Nënë Tereza na ka bërë të ndihemi krenar, të marrim shembulli prej saj. Nesër është shenjtërimi i Nene Terezës ,e meriton”, u shpreh Ati i Shenjtë para qindra besimtarëve.

Kreu i Vatikanit kërkoi që në këto momente të vështira të qëndrojmë pranë.

“Jeni ju ata që reflektoni mirësinë. Dashuria transformon çdo gjë. Krishti na do dhe dha jetën e tij për ne. Asgjë dhe askush nuk mund të na ndajë nga dashuria për Zotin. Nuk mund ta largosh vështrimin nga ata që kanë nevojë për ndihmë” shtoi kreu i Vatikanit.

Ndërsa në dëshmitë e tyre vullnetarët treguan vështirësitë që kishin kaluar dhe sesi besimi i ndihmoi të kalonin këto momente.

Madje në njërën prej dëshmive vullnetarja ndjekëse e misionit të Nënë Terezës e përmend shenjtoren si personin e cila e ndihmoi të kalonte vështirësitë .

“Nënë Tereza e Kalkutës na dha zgjidhje” u shpreh ajo.

Ndërsa në fillim të përshëndetjes drejtori i zyrës së shtypit të Vatikanit përshëndeti të pranishmit duke përmendur edhe qytetarët shqiptarë të cilët do të marrin pjesë në ceremoninë historike të shenjtërimit në Nënë Terezës.