Sherr në një lokal në Klos, plagoset me thikë 35-vjeçari, niset me helikopter drejt Tiranës

Një sherr mes dy personave ka përfunduar me plagosjen e njërit prej tyre. Ngjarja është shënuar në qytetin e Klosit, ku është plagosur me thikë 35-vjeçari Gazmir Picli.

Ky i fundit është plagosur nga 25-vjeçari Selami Rami, pas një debati në verandën e një lokali në Klos. I plagosuri është dërguar me helikopter drejt Tiranës për mjekim të specialuzar, pasi ndodhet në gjendje të rëndë.

Vetëm pak orë pas sherrit, policia ka arrestuar autorin e plagosjes, shtetasin Selami Rami, si dhe ka sekuestruar armën e krimit, ndërsa njofton se ngjarja ka ndodhur pas një konflikti të çastit mes dy personave.

Informacioni paraprak:
Rreth orës 10.15, është marrë njoftim se në qytetin e Klosit ka ndodhur nje konflikt mes dy personave.

Menjehere kanë shkuar shërbimet e policisë në vendin e ngjarjes, ku paraprakisht kanë konstatuar se: në verandën e një lokali në Klos shtetasit S.R, rreth 28 vjeç, dhe shtetasi G.P, rreth 35 vjeç, banues në fshatin Platin-Klos, dyshohet se kanë debatuar me njëri tjetrin ku shtetasi S.R, ka plagosur me thikë shtetasin G.P.

LEXO EDHE:
Itali/ Punëtori shqiptar plagoset me thikë, arrestohet 35-vjeçari italian

I demtuari pasi ka marrë ndihmën e parë mjekësore në spitalin e Burrelit, është dërguar për ndihmë më të specializuar në Tiranë. Shërbimet e policisë po krehin zonën për kapjen e autorit. Grupi hetimor vijon hetimet për zbardhjen e ngjarjes.

TAG:
• plagosje me thike
• sherr ne klos

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  69.6%

• Jo

  19.5%

• Ndoshta

  10.9%

Vota total: 800

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta