Një plagosje me thikë ka ndodhur këtë pasdite në Fushë Arrëz. Dy persona janë konfliktuar me njëri-tjetrin, ku sherri ka përfunduar me përdorimin e armëve.
Ka qenë Erjon Hasani, 28 vjeç, që ka qëlluar me thikë 26-vjeçarin Aleksandër Matushi, i cili ka marrë disa plagë, por ndodhet jashtë rrezikut për jetën.
Policia ka mbërritur në vendngjarje dhe po heton shkaqet e sherrit mes dy personave, ndërsa ka arrestuar autorin e plagosjes vetëm pak orë pas ngjarjes.
Policia kap autorin e plagosjes:
Në vijim të informacionit paraprak ku ka mbetur i plagosur me mjet prerës (thikë),shtetasi A.M. 26 vjeç, banues në fshatin Dardhë në Fushë Arrëz, nga forcat e Komisariatit të Policisë Pukë në mbështetje edhe nga forcat policore të F.N.SH. Shkodër, u bë i mundur lokalizimi dhe kapja e autorit të dyshuar:
Erjon Hasani, 28 vjeç, banues në Fushë Arrëz, i cili u arrestua në flagrancë. Vijojnë veprimet hetimore për dokumentimin e plotë të kësaj ngjarje dhe vënien e tij para përgjegjësisë ligjore.
Informacioni paraprak i policisë:
Me datë 07.07.2018, rreth orës 15:15, në fshatin Dardhë në Fushë Arrëz, është plagosur me mjet prerës (thikë) shtetasi A.M. 26 vjeç, banues në fshatin Dardhë në Fushë Arrëz, i cili është transportuar në Spitalin Rajonal Pukë, ku ndodhet nën kujdesin e mjekëve.
Nga veprimet e para hetimore, është identifikuar si autor i dyshuar i kësaj plagosje, shtetasi E.H. 33 vjeç, banues në fshatin Blerim në Fushë Arrëz. Forcat policore të Policisë Pukë, në mbështetje edhe nga një grup i Repartit FNSH Shkodër, po bëjnë krehjen e zonës me qëllim kapjen e autorit dhe vendosjen e tij para përgjegjësisë ligjore.
Në vendngjarje, grupi hetimor në bashkëpunim me Prokurorinë e Rrethit Gjyqësor Pukë, po vazhdojnë hetimet për sqarimin e plotë të rrethanave të ngjarjes.