Një 35 vjeçar nga Lezha ka përfunduar në pranga, pasi ka shfrytëzuar për prostitucion në Shqipëri dhe në Itali një vajzë të re.
 
E ëma e vajzës ka zbuluar se e bija shfrytëzohej nga Altin Marku, duke e paralajmëruar këtë të fundit që të ndalojë veprimet e tij, përndryshe do e kallëzonte në polici.
 
Pas këtij paralajmërimi, Marku ka kanosur të moshuarën, ndërsa ajo i është “kundërpërgjigjur” duke bërë një kallëzim në polici.
 
35-vjeçari ka përfunduar në pranga, pasi akuzohet për tre vepra penali, të cilat janë “Kanosje”, “Përdorimi me keqdashje i thirrjeve telefonike” dhe “Shfrytëzim i prostitucionit”.

Redaksia Online
S.N/Shqiptarja.com