802 raste të reja dhe 12 vdekje nga COVID! Ky është bilanci i 24 orëve të fundit në vendin tonë sa i përket situatës së pandemisë.
Fatkeqësisht e kanë humbur jetën 12 qytetarë pozitiv në spitalet COVID dhe konkretisht bëhet fjalë për 5 qytetarë nga Tirana, 1 nga Elbasani, 1 nga Dibra, 1 nga Korça, 1 nga Vlora, 1 nga Fieri, 1 nga Kavaja, 1 nga Durrësi, të moshave 51-83 vjeç. Mes viktimave është edhe pedagogu dhe ish-rektori i Universitetit “Aleksandër Xhuvani” në Elbasan, prof.dr Jani Dode.
Në total janë kryer 2604 testime, duke përfshirë këtu edhe testet e shpejta që kanë nisur të përdoren në 24 orët e fundit dhe kanë rezultuar pozitivë 802 qytetarë. Pozitiv me COVID ka rezultuar edhe mjeku anestezist Mihal Kerci i cili është në gjendje të rënduar shëndetësore.
Rastet pozitive të konfirmuara janë identifikuar në këto bashki: 310 raste në Tiranë, 57 në Berat, 46 në Elbasan, 43 në Korçë, 38 në Vlorë, 35 në Shkodër, 30 në Lushnje, 24 në Mat, 22 në Gjirokastër, 21 në Fier, nga 18 raste në Durrës, Përmet, nga 13 raste në Krujë, Lezhë, Kuçovë, 12 në Skrapar, 11 në Pogradec, 10 në Pukë, nga 9 raste në Dibër, Peqin, nga 8 raste në Gramsh, Sarandë, 7 në Tropojë, 5 në Kavajë, nga 4 raste në Kurbin, Tepelenë, nga 3 raste në Kukës, Mirditë, Librazhd, Delvinë, nga 1 rast në Has, Kolonjë.
Ndërkaq në 24 orët e fundit janë shëruar 527 qytetarë, duke e çuar numrin e të shëruarve 24.136 që nga fillimi i epidemisë. Numri i të shtruarve në spitale është i qëndrueshëm. Aktualisht në 4 spitalet COVID, po trajtohen 451 pacientë, 37 në terapi intensive, 12 pacientë janë të intubuar.
Ministria e Shëndetësisë dhe Mbrojtjes Sociale i bën apel qytetarëve: "Të kufizojnë kontaktet dhe të shmangin çdo dalje të panevojshme, të mbajnë maskën dhe të kujdesen për higjienën personale, për të kufizuar përhapjen e COVID-19. Zbatoni me përpikmëri rregullat dhe mos e ulni vigjilencën asnjë moment, duhet të mbroni shëndetin tuaj dhe të afërmve tuaj nga ky virus i rrezikshëm. Telefononi linjën e gjelbër falas 0800 40 40 për të kontaktuar me mjekun tuaj të familjes. Telefononi Urgjencën Kombëtare 127 kur dyshoni se keni shenja të sëmundjes dhe duhet të kryeni testimin për COVID apo nëse keni nevojë për trajtim të specializuar spitalor në spitalet COVID".
COVID-19 – Statistika (11 Dhjetor 2020);
Raste të reja ditore 802
Të shëruar ne 24 orë 527
Të shtruar në spitale 451
Humbje jete në 24 orë 12
Testime ditore 2.604
Testime totale 216.441
Raste pozitive 46.863
Raste të shëruara 24.136
Raste Aktive 21.750
Humbje jete 977
Shpërndarja gjeografike e rasteve aktive sipas qarqeve:
Tiranë 11876
Fier 1664
Durrës 1353
Korçë 1095
Vlorë 1074
Shkodër 986
Elbasan 926
Berat 794
Lezhë 792
Gjirokastër 517
Kukës 413
Dibër 260
Një lajm i hidhur është bërë më dije ditën e sotme ku ka humbur jetën pedagogu dhe ish-rektori i Universitetit “Aleksandër Xhuvani” në Elbasan, prof.dr Jani Dode.
Pedagogu ishte i shtruar në spitalin “Shefqet Ndroqi”, ndërsa gjendja e tij u përkeqësua, ku nuk ka mundur të fitojë dot betejën me virusin.
Dode është zgjedhur rektor i universitetit të Elbasanit në vitin 2000, ndërsa njihej si personalitet i shquar i arsimit në qytet.
Për vdekjen e prof.drJani Dode ka reaguar edhe kryetari i bashkisë së Elbasanit Gledian Llatja, i cili ka shprehur keqardhjen dhe ngushëllimet e thella për familjarët e tij nëpërmjet një postimi në rrjetin e tij social Facebook.
“Një personalitet i rrallë dhe mendje e ndritur do t’i mungojë auditoreve të Universitetit “Aleksandër Xhuvani”. Elbasani po humb një figurë të shquar akademike, shoqëria qytetarin model dhe familja prindin e përkushtuar.” ka thënë kryebashkiaku i Elbasanit.
Mjeku anestezist Mihal Kerci është në gjendje të renduar shëndetësore, pasi ka rezultuar pozitiv me COVID-19.
Aktualisht ai gjendet nen asistencën respiratore dhe është në një gjendje kritike për jetën. I gjithë ekipi mjekësor po i përkushtohet maksimalisht për shërimin sa më të shpejt të anestezistit Kerci.
Lajmin e ka bërë të ditur shoqata e Anestezistëve dhe Reanimatorëve të Shqipërisë (ASAI), e cila shpreh keqardhjen dhe i uron shërim të shpejt doktorit dhe kryetarit të shoqatës së tyre.
Me shpresën për ta kaluar situatën e vështirë, i urojmë prof. Mishes rikuperim dhe shërim te shpejte shkruhet në njoftimin e Shoqatës së Anestezistëve të Shqipërisë.
Komente
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Rama: 140 mjekë specialistë i janë shtuar spitaleve tona prej Janarit
13 Dhjetor 2022, 09:06 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06
Sherim te shpejte i nderuar Profesor Mihal Kerci!
Përgjigju