POP 5

Lajmet më të lexuara të 5 minutave të fundit

Politikë

Meta njeh shkarkimin e Muçit, shpall vakancën në 'Kushtetuese'

Presidenti Ilir Meta ka pranuar kërkesën e Gjykatës Kushtetuese për të shpallur vakancën në Kushtetuese, pas shkarkimit të gjyqtarit Besnik Muçi, duke njohur kështu vendimin e vettingut. Në dekret thuhet se do nisë menjëherë aplikimi për emërim gjyqtari në Gjykatën Kushtetuese të krijuar nga përfundimi para kohe të mandatit të ish-gjyqtarit Muçi.

Meta njeh shkarkimin e Muçit, shpall vakancën në 'Kushtetuese'

Besnik Muçi dhe Ilir Meta

TIRANE- Presidenti Ilir Meta ka pranuar kërkesën e Gjykatës Kushtetuese për të shpallur vakancën në Kushtetuese, pas shkarkimit të gjyqtarit Besnik Muçi, duke njohur kështu vendimin e Kolegjin e Posaçëm të Apelimit. Meta deklaron se do nisë menjëherë aplikimi për emërim gjyqtari në Gjykatën Kushtetuese të krijuar nga përfundimi para kohe të mandatit, të ish-gjyqtarit Muçi

"Dekretoj shpalljen e procedurës së aplikimit për emërim gjyqtari në Gjykatën Kushtetuese të Republikës së Shqipërisë, për plotësimin e Vakancës së parakohshme të krijuar nga përfundimi para kohe të mandatit, të ish-gjyqtarit Besnik Muçi.

Shpallja e kësaj procedure dhe publikimi i saj sipas tekstit bashkëlidhur, të bëhet menjëherë në mjetet e informimit publik dhe në faqen zyrtare të institucionit të Presidentit të Republikës", thuhet në dekretin e presidentit Meta.

Gjykata Kushtetuese hoqi nga faqja zyrtare Besnik Muçin dhe njoftoi Presidentin e Republikës për vakancën e krijuar.

Muçi u shpreh sot në mëngjes se nuk e njeh vendimin dhe u paraqit në zyrë me një kërkesë drejtuar Kushtetueses që të shqyrtojë dhe vendosë fatin e tij me argumentin se vendimi i vettingut është në kundërshtim me ligjin.

Muçi theksoi se do të vijojë që të qëndrojë në detyrë deri kur të japë vendimin gjykata Kushtetuese, e cila pa kaluar pak orë e fshiu nga faqja zyrtare duke ia dhënë përgjigjen.  Presidenti Meta mesditën e sotme e priti në një takim dhe i kërkoi Muçit që të rishikonte vendimin. Gjykata Kushtetuese pasi e zhduku nga lista e anëtarëve në faqen zyrtare njoftoi kreun e shtetit për vakancën e krijuar.

 Vendimin e shkarkimit të Besnik Muçit nga Gjykata Kushtetuese, në një reagim tè bërë një ditë më parë Ilir Meta nuk e cilësoi si surprizë, pasi denoncoi se ka pasur presion nga shumica.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Deda: 22/11/2019 16:15

    Alo Ded, alo alo nga amerika po flas, alo a më dëgjon? Mos dëgjo po deshe se ta knojn kalauthin ato masanej. Hë re burrec mbroje pra kushtetutën, u bone ti, fshatarë skrapari.

    Përgjigju
  • Drejtësia po vjen: 22/11/2019 16:01

    Këta duan hequr nga faqja e dheut,,,,jo nga faqja zyrtare,,,,,

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Zyrtare/ Mesfushori i Tiranës firmos te Bologna, kryeqytetasit arkëtojnë 250 mijë euro

Zyrtare/ Mesfushori i Tiranës firmos te Bologna, kryeqytetasit arkëtojnë 250 mijë euro

22 Janar, 19:02