Shkodër, prefekti i Qarkut Paulin
Radovani: Nuk zgjidhet asgjë me grevë

Pas hyrjes në grevë të 8 banorëve të zonave të përmbytura, ka ardhur edhe reagimi i prefektit të Qarkut Shkodër, Paulin Radovani.

Në një deklarate për mediat, Radovani u ndal për të folur për komisionet e ngritura në atë kohë që sipas tij kanë bërë 3 vlerësime për demet e shkaktuara tek këto banorë.
 
"Vlerësimi i parë është prej 7581 familje ku është konsideruar prej kulturat bujqësore me një vlerë 1 ml 160 mln lekë. Ky është likujduar deri në 49% deri në zgjedhje.
Vlerësimi i dytë është kaluar në qeveri nga 260 biznese janë pranuar vetëm 4, pse nuk e di se nuk kam qenë unë anëtarë në atë kohë. Dhe ata 4 në vlerë janë futur në vlerë të  1 ml 160 mln lekë.
Vlerësimi i tretë për 5924 shtëpi, nuk është paraqitur fare në mbledhjen e qeverisë. Rreth 2 mld, nuk ka vendim qeverie", u shpreh Radovani.
 
Prefekti Radovani dha edhe mesazhin e tij për banorët që kanë vendosur të futen në grevë urie, duke u shprehur kundër vendimit të tyre.
 
"Unë u them banorëve, të vrasin trurin, me prefekt pa prefekt, me gjykatës pa gjykatës, me deputet apo pa deputet,  me e zgjidh urtë e butë këtë gjë. Unë nuk jam dakord me hy në grevë në këtë të ftohtë se edhe nuk do të zgjidhet asgjë me grevë, se po të ishte për grevë do të hynte e gjithë Shkodra", tha prefekti i Qarkut Shkodër, Paulin Radovani.
 
Ndryshe nga çfarë ishte planifikuar, banorët e zonave të përmbytura kanë hyrë në greve urie në lulishten para Bashkisë Shkodër, ku po vijojnë të qëndrojnë prej disa orësh.

Situatën në të cilën ndodhen grevistët në lulishten para Bashkisë Shkodër,kryebashkiakja e Shkodrës, Voltana Ademi, e ka cilësuar ç’njerëzore. E shoqëruar nga n/kryetari i Bashkisë Shkodër, Arben Gjuraj, kryebashkiakja Ademi u shpreh se çdo kush duhet respektuar për çdo proteste që organizon për të drejtën e tij.

Redaksia Online
(B.K/Shqiptarja.com)
 

TAG:
• voltana ademi